قصيدة الشاعر عيد البركه الجميلي. رحمة الله عليه.
ياناس ياللي بالهوى متهميني
مابان حبه يوم حنا جماعه
يبين لك وان كانهم راحليني
يبين لك درب الهوى من وداعه
غديت مثل اللي جداه الحنيني
معقلينه وسط سوق المباعه
بسوق حرجبه وساق الضميني
حرج عليها عن فجوج الوساعه
الرجل حارت والجهد مايعيني
العين يمه تلتفت كل ساعه
برقن سرى بالليل بيح كنيني
اخايله يوم القبايل هجاعه
اخايله من نومت الهاجعيني
لمن عمود الصبح بين شعاعه
ياراكبن من فوق بنت الهجّيني
تقنى الشحم لين استوت بصطناعه
باقً ليامنه تنحى ضنيني
عن قاعنا قاعً بعيد رباعه