* ماكر الطيب *
هذا القصيدة من الشاعر/خالد بن حامد بن غشم الجميلي
قام بكتابتها عندما كان والدي المرحوم/ماضي بن ربيحان في السجن
[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أرسل ســلامي يم مـــاضي بتــرحيب =حيثــه صديق لي مـن أول سنينه
اهــدي لـه التقدير من حيث مــاجيب =راع الشجاعة يوم يمشي بحينه
ابطى حنينه مثل خلج" من النيب= مثل الخلوج اللي تدور ضعينه
ريف النشامى ماكره ماكر الطيب =يوم الموارد أخلفت به جنينه
سبع شمخ بين الضواري هو الذيب =يومٍ راع الطيب يجزع بشينه
خانت بك العدوان من دون ترتيب= تبحث خفاك بكل غدرٍ لعينه
يمشي ورآك لين يلقى مقاضيب =لين يتمسك بك بحلوه ولينــه
عساه يلقى بالخيانة من يصيب =يحوّل به المولى ويقصر يدينه
حيثه ذليل ضاري للتناكيب =يفجاه فجــوى غــر من دون دينه
واطلب عساها عجلةٍ به مع الغيب= تقضي عليه الأرض وهو الدفينه
ولاتحسبني يوم مازورك اجهل العيب =أخاف لاتــذرف دموعي حزينه
لأصب دمع العين مثل الشلاهيب= مالي جدى ياكود جر الونينه
أبدع لك القيفان ولشوفك أطيب= غالي وغـالي يابعد كل عينه
واعذر وسامح ياعطيب المخاليب =ياشوق بنت البيت موضي جبينه
الطيب يلقابك بكل المضاريب =ومن قصر بحقك ترانا نهينه
[/poem]
[line]-[/line]
[align=center]
بان المخفى
رد الشاعر / ماضي بن ربيحان الجميلي - رحمه الله - على قصيدة الشاعر/ خالد الغشم
[/align]
[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أهلاهلا بلي يدز المكاتيب =عداد ماهزت بلوف المكينه
وأعداد ماتفترسود الدواليب =وأعدادمابالبحرسارت سفينه
تحيه للي يعرف المواجيب =أخوعزيزوكلنا عارفينه
خابرك ياخالد بوقت المصاعيب =تجعل حياتك لنشاما رهينه
لأكن هذا اليوم بانت عذاريب =وبانت علوم خافيه بالخزينه
اللي سقيته من قراح المشاريب =اليوم يسقيني من الوحل طينه
بان المخفى والذي كان بالغيب =وبانت علوم للجماعة كمينه
ياحيف صدقان الرخاء والاقاريب =مافيهم اللي زارمنهم سجينه
والله ناس اليوم فيها التعاجيب =تغيرت عاداتها بالمدينه
أما الذي تذكريدورمقاضيب =هذاك مانحسب لشينه وزينه
هاذي هي الدنيا شروق ومغاريب =لابد يظهر لك عدوا هدينه
هذا عدوا حاقد صخيف العراقيب =حامل حقد مخفيه داخل كنينه
عساه يرمابه بوسط نار اللواهيب= هذاك فيه النارماهي غبينه
ودك يعذبه الولي شرتعذيب= ويصيرعبره للعقول الفطينه
من شأن يعرف مخطي الهرج ومصيب =ويازين خوف جاك عقبه سكينه
[/poem]