عرض مشاركة واحدة
قديم منذ /27-05-2016   #1

 
مشرف قروب شعراء ومنشدي قبيلة الجميل
مؤسس القروب بالواتس

الصورة الرمزية بشير فهد

 

بشير فهد غير متواجد حالياً

 رقم العضوية : 10236
 تاريخ التسجيل : Jun 2015
 المشاركات : 416
 النقاط : بشير فهد will become famous soon enough
 تقييم المستوى : 131

مزاجي
رايق
افتراضي رد الشاعر الكبير : فهيد الباطح على الشاعر الكبير : مصبّح المزوي رحمهم الله

رد الشاعر الكبير / فهيد الباطح الجميلي رحمه الله على الشاعر الكبير / مصبح المزوي رحمه الله

راكب اللي شطها يشلع الكور ... مساهل ما هو جديد العسافي
كوعه مسايف ما يجي مشت الزور ... منه القوايم للتواصيف وافي
ليا نهضت له الرسن منه مخطور ... لولا الحبال مجوده بالظلافي
مراتعه بين القنينه ومنجور ... لحين غطن السنام الدفافي
نصّه على اللي يمّنا يبدي الشور ... يفضيه لو هو بين الاضلاع خافي
يفداك يا مصبح ضنا كل مثبور ... عله فداً لك عندنا يالسنافي
السد باح وبالحشى تقل تنور ... ولا ينفع الماخوذ قولت عوافي
لي بكرةٍ ضيعتها فات له دور ... راحت ضياعٍ بين حمّى الشعافي
خبري بهم يرعون عشبٍ وخافور ... وعشب الفياض من الرطوبه اعيافي
يا دار وين اللي به الملح منثور ... قوطر جفا وإلا تنقّل عيافي
يوم انها بك زاد نورٍ على نور ... وعقبه غدت تذري عليك السوافي
ما تسمع إلا البوم يقنب على القور ... وحيشتٍ يمسي بها الذيب جافي








توقيع »

 

  رد مع اقتباس