الشاعر الكبير : معطاب مسيعيد الجميلي
قمت اتطرق بقيلي ولعب ٲمثالي
يوم الشواعير تسبح مع مثايلها
مثلي على فالهم ولعبٍ ع فالي
ٲنغام والحان واشكال نشكلها
ماكنه الا قراح عذب وزلالي
يقطع ظما كبد من يبست بلايلها
انصح واحب النصيحه وانصح الغالي
يبعد عن الناس لا يقرب مشاكلها
قل له يغض النظر عن بعض الازوالي
اخاف من نظرةٍ يشكي ملايلها
بعض العذارى خياله يطرب البالي
يجذب هوى نفس من ينظر جمايلها
كنه ليا عرضت باقفاي واقبالي
عود ومسيقى ودقاق يدق لها
ما سايلت عنك لو تشكي لها الحالي
تمشي ونار الهواء بالقلب تشعلها
تبلى بالاوهام والفتنه ع الخالي
يوم الشياطين تنصب لك حبايلها
ذا مكسبك والنتيجة منك بالتالي
قلبك دروب الهوا هذي حصايلها