الشاعر الكبير : معطاب المسيعيد الجميلي
خطو الرجال بعين بعض المساكين
طيٌب وكل مواصفاته مليحه
تلقاه لو هو طيٌبٍ عند الاقصين
ماهو على قول الرجال المديحه
ماله مزاج ورغبته عند الادنين
ما للنفس منه ليا بخصته مديحه
ليا تجمعتوا نهار او نهارين
تبشر بنفشة صورتك والفضيحه
تصير مثل ٲبليس بين الفريقين
اما مع الحجٌاز وإلا نطيحه
تصبح معيفٍ ضايقٍ خاطرك شين
وانصحك كان ٲنك تحب النصيحه
إنك تنزٌح عنه مقدار صوتين
عيدٍ لوجه الله وتذبح ذبيحه
تسلم عن البلشات مع طرفة العين
وترتاح مثل العالم المستريحه