قصيــــــــــــــــــــــدة فرانكفـــــــورت .............!!!!!!

قصيدة حمد البريدي

لا ضاق بي صدري تعيني على الرجم المنيف

اللي شموخه متعب العقبان وفروخ الحرار .

. ما حدني له .. كود .. فرقا واحد " ماله وصيف

ومن يوم سافر .. والضلوع مكسره وتشب نار .

. فإلى بكيته ما علي من حد .. حبي له شريف !!

والبعد عن من تعشقه .. فتره تعايش واختبار .

. خايف على دمعي ليا هليته ..يقولو .. ضعيف

ولا الضعف ماهو بصوبي .. بس للدمع انحدار .

. للي طيوفه .. ذابحتني ..كلبيها طيف .. طيف

وتضيع احوالي ولا ادري (ليل) انا ولا (نهار) .

. ويلااااه !! .. يا ترف الصبا يا مالك القلب النظيف

تقول قررت السفر .. وآقول يا (صعب القرار) .

. وش حال قلبي دام هذي عادتك في كل صيف

تسافر اوروبا وأنا ماني بحمل الانتظار !! .

. ما بين ( بون ) وما حواليها وباريس وجنيف

ولا انا حدي دبي او لحمدي .. او.. عين دار .

. يا ليتني فالطايره .. لا قدك بتسافر مضيف

على الأقل ابقى معك .. من المطار اليا المطار .

. ابطعمك من كفي اليمنى واقطع لك رغيف

وآكلك من كل حاجه مثل تاكيل الصغار !! .

. تكفون يا هل ( فرانكفورت ) انا مولع في وليف

ميت بحبه واعشقه !! .. وأعشق ثناياه الصغار .

. ما حاز به عني سوى ..الاقدار والوقت السخيف

اللي خذا قلبي معه في الطايره واقفى وطار .

. امشى ولا مني مشيت امشي مثل مشي الكفيف

يا صاحبي نفسي بعد ما غبت .. عافت كل دار .

. ما قد هقيت ان اترك العالم ولا سولف واعيف

واجلس على آخر زاويه واعنز بظهري جدار .

. حزين مدري حالتي حاله .. وافكر كيف كيف

اباتطمن كيفك انت بخير ولا ويش صار ؟؟ .

. مستانس وتضحك .. او انك تبكي وقلبك رهيف

الحين فالفندق او انك رايح بوسط القطار .

. باقي على ذاك الامل .. لو مجمل الواقع مخيف

رافع لك الهامه وانا اشعر من فراقك بانكسار .

. في ذمتي إني فاقدك .. و( آبيك ) والخاطر كسيف

لكنني مغصوب في بعدك .. وانا مالي خيار !! .

. يا صاحبي تبغى الحقيقه .. اخذها من دون زيف

يا أما تقبلها ( غلا ) .. ولا تقبلها .. ( مرار ) .

. عز الله ان البعد كنه ضاربا " صدري بسيف

يا مت منه منقتل !! .. يا عشت بضلوعي كسار !! .

اعجبتني ..... وخذوها مني

هديه لكم

شاعر مميز وكلمات قوية جداً صح لسانه وتسلم يمينك على اختيارك الرائع يالحضرمي

صح لسان الشاعر وسلمت يداك على النقل

يعطيك العافية ياابو تركي

ياســـــــــــــــــــــــــــــلام عليك ابو تركي

الله يعطيك العافية

وصح لسان الشاعر


وتم نقل القصيدة للقسم المناسب

بارك الله فيك................وصح لسان الشاعر........وتسلم يمينك.........

ابو تركي .. انتقاء جميل .. تسلم يمينك