الليل هود >>>>>>>>>>>>>>>>>>>?

وتعود قصة القصيدة الحزينة إلى عام 1997م، حيث كان سموه يجمع أبناء الأسرة المالكة في مجلس قصره بالعزيزية كل يوم ثلاثاء، ونتيجة لإجراء عملية جراحية لسموه، توقفت وقتها الجلسات، فأنشد الأمير بدر بن عبدالمحسن القصيدة، التي يشكو من خلالها الحزن على سمو الأمير سلطان، واللهفة والشوق والحنين للقائه، رحمه الله.


الليل هوّد واكهف النجـم لغيـاب ... قضى الحديث وودعونـا المساييـر

أحدٍ قفل دون هوجاسـه البـاب ... وأحدٍ غدت جدران بيتـه تفاكيـر
ياساكن الهوجاس ممسـاك ماطـاب ... راحـت مجاهيـم وجتنـا مغاتيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
الليل هوّد واكهف النجـم لغيـاب ... قضى الحديث وودعونـا المساييـر

ليت الثلاثاء ماكتب يوم في كتـاب ... من غبت ياجبر القلـوب المكاسيـر
كل ماذكرته قمت للوصل طـلاَّب ... وقلت القطاعه في هل الرحم تقصير
وين أنت ياغيثٍ من الجود صبَّـاب ... يمينك أكرم مـن سحـابٍ مزابيـر
وين أنت يامعتق من الحاجه إرقـاب ... ايضا وبك لطفٍ وحكمـه وتقديـر
قالوا مريض وقلت لشفاي لاطـاب ... وقالوا بعيد وقلـت حنَّـا المعاتيـر
والله لو تطوى له بحـور وهضـاب ... ماهو جزا له مير للشـوق تصبيـر
أنا أشهد إن الحب تكتب له أسباب ... وماكل قاعٍ فيـه تنبـت نواويـر
ياشيخنا تكفيك لو ضحكة النـاب ... وشلون وانتَ ماتحسـب المخاسيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
الليل هوّد واكهف النجـم لغيـاب ... قضى الحديث وودعونـا المساييـر

حنَّا مثل غرسٍ سقي ديـن وآداب ... وتاريخ من فعله تعـدى الاساطيـر
وقت الرخا نرجى وفي الحرب ننهاب ... ولاجا لزوم الشيخ حنـا المذاخيـر
كبيرنا في السن نحسب له حسـاب ... وكنَّه مع اللي سابقٍ سنَّـه صغيـر
أنتم عمود العز وحنَّا لـه اطنـاب ... نرسى ولو هبَّت هبوب ومعاصيـر
وأرض الجزيرة مابها ربع وأغـراب ... الاصل واحد والشـرف والمقاديـر
والله فوق الكل والشـرع غـلاَّب ... حب الوطن من حب والي التدابيـر
الليل هوّد واكهف النجـم لغيـاب ... قضى الحديث وودعونـا المساييـر



كلمات: بدر بن عبدالمحسن

مما راق لي

صح لسانك ولسان الشاعر رحم الله سلطان

الله يرحمة سلطان الخير

الله يرحمـــــــــــــه ويغفــــــر له .. وصــــــح ألســـــانك ..

رحمك الله يا ابا خالد .

صح اختيارك ولاهنت .

رحمه الله بواسع رحمته
بارك الله فيك على النقل ......

صح لسان الشاعر والله يرحمك ياسلطان الخير رحمة واسعه

يعطيك العافية ابو تركي على الذوق الرائع

رحم الله سلطان الخير وجعل الله الجنة مثواه

وصح لسان مهندس الكلمة الأمير بدر بن عبدالمحسن

وتسلم يمينك أبا تركي