ثلاثيّه قريبه لقلبي !!

[align=center]للتواصل مع التحيّه والاحترام
,,


فهد الماجدي / المعنّى 111

.
.


ياسعـود بنشـدك خبـرّنـا
عن ناس بالذوق اسطـورة!

الوّرق مـن عقبهـم غنـا
وعواته الذيـب مسعـورة!

عبـرات بشهـاق هيجـنـا
وواجـاع واهـات منثـورة

الحيـن ماعـادنـا حـنـا
يوم انهـم نفـل وزهـورة

انقطعـت اخبارهـم عـنـا
من يومها الياء مكسـوره

اخـلاق بالفعـل .والمعنـى
وسراج لهل الوفـى نـوره

والحـر لمـن كفـخ سنـا
سفح الجبل فـوق ويكـوره

وهالحين ياسعـود علمنـا
يالله عسى المـزن نافـورة

(جهامـه) تظـن يهجرنـا
حتى (الغلا ) حال لـه دورة



*
*



سعود الفرحان / الحزن الاكيد

.
.


ان ضاقـت الأرض فجرنـا
بالـذات والأرض ممطـوره

واليا عطى الحـظ وخّرنـا
واليا تـردّى لـه اجسـوره

والـيـا تـذمّـر تذمـرنـا
كيف انت لاجيـت بعطـوره

بخـرك طيبـك وبخـرنـا
واليا ارتفع ضـاع ببخـوره

اظـن فـالـح بيأسـرنـا
من مبدأ الgool والكوره

ولاّ الغـلا لـوّ يوقـرنـا؟
تلقـاه متواصـل بـنـوره

انشـد الأول مـع آخرنـا !
يوم الشجر صـاح زرزوره

تلقـى الجـواب يتعـذّرنـا
وش لون خلوك بالصورة ؟

غاليـن والصبـر صبرّنـا
مهما الغياب ابتـدا مـوره


*
*



فالح الهاجري \ جهامه


.
.


يا سعود خبّـر فهـد عنّـا
من عقبه النفس مكسـوره

عقب القسـى للزمـن لنّـا
والـدار قفـرا ومهـجـوره

من يوم صوت الوفـا غنّـا
وعيون الاحـزان ممطـوره

حنّا على العهـد مـا شنّـا
وشعورنـا يشبـه شعـوره

علـى طبـوع البـدو حنّـا
وافين بالصـوت والصـوره

واليـا سمعنـا الوفـا بنّـا
نقطع له الـدرب ونـزوره

وافين واصـل الوفـا منّـا
تاريخنـا يكتـب سطـوره

موطن هل الطيـب موطنّـا
منزالنـا عالـي قـصـوره

بين اهـل هالمنتـدى كنّـا
نكتب عن الشعـر وبحـوره

(لمخضـب الكـف بالحنّـا
اللي غشـى ليلنـا نـوره )

واليـوم تبقـى محاسـنّـا
ذكرى بها النفس مسـروره

صـوت المعنّـى يطمـنّـا
إن الوفـا عالـي ٍ سـوره

.
.

هيّضت الاشجـان يامعنّـى
ولو تبكي العين معـذوره !!


,[/align]