تغطية للامسية الشعرية في زواج احمد عويد ((صور))

بمناسبة زواج الاخ احمد بن عويدالمصيبيح

أقيمت أمسية شعرية لنجوم منتديات قبيلة الجميل الهلالية وكانت البداية بكلمة من مديرالأمسية

الإستاذ/ حامد مرشد الجميلي رحب فيها بالحضور والشعراء المشاركين ومباركة للعريس وتعريف بالشعراء

ونبذة عن كل شاعر. وقد كانت الامسية مميزة وتفاعل معها الجهمور

بدأ إلقاء القصائد من الشاعر/ فواز البذالي الذي بدوره قال إنة سعيد بالمشاركة بهذه الامسية التي تعتبر الأولى له وبيتين إهداء منه لــ قبيلة الجميل
قال فيها:

بعد مالبيت دعوة من دعاني للزفاف = للجميل اخوان سلمى و الوفا فيهم شهير
من قرا التاريخ يعرف من فعايلهم و شاف = والحرار اللي ربت في وسط ماكرهم كثير


ومن ثم إنتقل المايكرفون للشاعرالمحامي / محمد الماجدي الذي بارك للعريس ولأهله وتمنى له التوفيق

وشكر الشاعر سعد الجميلي على هذا التجمع لشعراء منتديات قبيلة الجميل وأن هذه الامسية تعتبر الأولى له وبدأ في قصيدهـ :

كل شخصن بين ربعه عارفـن وش منزلـه=واللي ما ينشد خويه عن مواريها يغـدي .
وأن قضبت سهيل بيدك طالبـك لا تسألـه=ليه؟ اشوف الليل الاسود غايبن عنه الجدي .



وبعدها إنتقل الدور للشاعر فواز بريك الجميلي الذي كذلك بارك للعروسين ورحب بالحضوروبدأ بقصيدة قال فيها

لو تساوت مدّة الطيب ومدّة بخيل=كان ما صارت للاجواد هيبة واحترام
يوم بعض الناس قوته على عياله قليل= والكرم منا تنادي به الناس الكرام

وجاء الدور على نجم قصيدة التحدي الشاعر غنمان العنتري الذي رحب بالحضور وبارك للعروسين
وبدأ بقصيدة قال فيها:

على الله بسدل شراعي واجيب من الشعر قيفان=على جزل البحور اللي تهادر عند لقياكم
تجمعنا على حسن النوايا كل ابونا اخوان=وانا ماتقبل ركابي سوى لرجال شرواكم


وأستمرت الامسيه بإلقاء كل شاعر قصيدتين وطلبات من الجمهورونقتطف من كل شاعر بيتين من قصائدهم

أبيات من قصائد الشاعر فواز البذالي :

ابيك يا عمري تداوي لي جروح =مثل الطبيب اليا بدا بالجراحة
غديت كني من شقا الوقت مطروح=وين البحر يمكن اعرف السباحة


وهذا بيتين بعد من قصيدة اخرى :

لابد ماتقلب هبوب الهبايب =واتدور دورات الليالي والايام
ويقبل علينا الخير بعد المصايب=تحقيق رؤيا فسروها بالاحلام

وهذا بيتين من قصيدة ثانية :


سر ياقلم لاهنت واكتب لي القاف=بين السطور الناحلات الطويلة
من قلب مهزوم ٍ عليه الزمن طاف=يتعب مع الايام ويطيح حيلة

وقال المحامي الماجدي محمد من ضمن قصائدهـ

الرجل تقصر عن حوايج كثيرات=ماهو قصورن مير للنفس عزه .
وما يطلب الرجال كود السمينات=والا الضعاف مخالفات المعزه .

وقال كذلك:
يا عبيد مالك بالمطاريش حاجه .= ماتنفعك يا عبيد كثر المطاريش .
وما ينفع الماخوذ كثر اللجاجه .=والخرب ما فكه ترى نفشة الريش


وكذلك قال:

يا وقت هرجك شفت كله هزالي= ياللى تذرى فى وساع المذهيب .
ياللى على نهج النصارى موالى = اللى لهم بالسرد غايا ومواريب .
إلا غدو لطيور شلوى خوالي .= وحنا غدينا فى وساع المذهيب


وجمال آخر:

أكيد تلقى لك من الناس اضداد ........ وتلقى بعد من دون حقك ملاوى
بس المصيبه لغدو ربعك أنداد ...... ؟؟؟وأخوك شفته مع عدوك تخاوى

**********************
وقال الشاعر الرائع فواز البريك من ضمن قصائده وهي بمناسبة زيارة الملك عبدالله بن عبدالعزيز

للشمال وقدألقاها أمام أمير منطقة الحدود الشمالية :


انورت بوجودك الدار وحدود الشمال.= واهتنا في شوفك البال وارتاح الضمير
ياملكنا اللي علينا شفوقٍ للوصال .= من عظيم الشوق سقنا البشاير للبشير
.................................................. .................................

وقال في قصيدة اخرى

عزتي فوق الثريا وانا قدري رفيع.= ماتنزل قيمتي ناس ماتسوى آثري
لوجرى سم الخيانة بهالعالم جميع.= ماتغير دم وجهي ولالون شعري
مات حلمي والامل موتة الطفل الرضيع= عاش بالدنيا بري وانتهى منها بري
.................................................. ...

وكذلك قوله:


ماتفرقنا ولابيننا مطلوب ثار= ولامشينا درب يامر به ابليس اللعين
شمسنا ماتختفي لويغطيها الغبار= لااظلمت سود الليالي نبين لكل عين
لين بانت فرحتك يابلد في كل دار .= من فضل ربٍ نزل بامره النور المبين
...........................................

وقوله في ابداع آخر

العذر قد ينهي خلاف = لو الخطا محدٍ يبيه
لو نيّة ابن آدم تشاف .= كان افضحت بعض الوجيه

ومن ضمن الطلبات قال :
.............................
ماتنفعين ولابعد ماتضرين.= قساوتك ماتختلف عن ليانك
مابيك عقب اللي جرى لي تحنين.=وعيبٍ علي ارجي بقايا حنانك





وانتقلنا للنجم التحدي الشاعر غنمان العنتري وهذه مقطفات من قصائدهــ

وقال من ضمن قصيدة خاصة لقبيلة الجميل ونحن سعدين بهذا الإهداء من شاعر ورجل بحجم
الشاعرالنجم غنمان العنتري


سلام يشبه شوفة الورد بالريف=والذ من طعم الشهد وسط نابي
لااخوان سلمى كلها دون تصنيف=لشيبانها واطفالها والشبابي




مالعنت الا من اسبابك طعون الوداع=ولاغيره مايردك عن الخافق ظلوع
ولاعرفت الا من اعنادك اسلوب التزاع=وان هزمتك تكسر اسلاح فكري بالدموع

**************************
فك الجديد اللي عليها القراطيس=من المعارض دقها والثمن كاش
نيسان ياباني مصنوع تاسيس=قطاعت البيداء في كل مطراش

**************************

"
"



واليكم هذهـ الصور والتغطية للامسية الشعرية لكوكبة منتدى قبيلة الجميل الهلالية ..




الشاعر فواز البذالي يلقي احدى قصائده ..


:




الشاعر المحامي محمد الماجدي يلقي احدى قصائدهـ .


:




الشاعر فواز البريك الجميلي يلقي احدى قصائدهـ .


:



الشاعر غنمان العنـــتــري يلقي احدى قصائدهـ .


:



مدير الامسية الاستاذ حامد مرشد الجميلي اثناء تلقيه ورقة من احد الجمهور ..


:




العضو : راع الجنيفا والعضو سالم .. كانوا من الاوائل الحاضرين في هذهـ الامسية ..

:



وهذه الصورة توضح انسجام المشرف : MR.K في الامسية ,, والمشرف ماجد الجميلي في ابتسامة لعدسة ابو عابد ..

:



ابو عابد اثناء دخوله لقاعة الحفل ..


:


وفي نهاية الامسية تم تسليم الشعراء هدايا خاصة من الشاعر / سعدالجميلي



الشاعر غنمان العنـــتــري اثناء تسلمه لهدية خاصة من الشاعر سعدالجميلي

"
"



الشاعر فواز البريك الجميلي اثناء تسلمه لهدية خاصة من الشاعر سعدالجميلي

"
"


الشاعر والمحامي محمد الماجدي اثناء تسلمه لهدية خاصة من الشاعر سعدالجميلي

"
"


الشاعر فواز البذالي اثناء تسلمه لهدية خاصة من الشاعر سعدالجميلي

"
"

ملاحظة : نعتذر لكم عن الاخطاء اذا كان هناك اخطاء ..
ونعتذر على رداءة بعض الصور والسبب يعود في ذلك من المصدر ..
ونعتذر ايضأ على عدم تغطية الصور لبعض الاعضاء المنتدى ولذلك لكثرة الحضور ..

"
"

وهذا التصميم اهداء مني لك يا شاعرنا سعد الجميلي ..





:
:

وتحياتي لكم اخوكم