زهيريات...

زهريات

شعر الزهيري . هو ثلاث اشطر تتشابها الكلمات بالفظ وتختلف بالمعنى ... وفى الاخر تختم بنهاية الكلمه التى فى اول شطر .



الاولى :


ملعون فيك العقل مره ولا شط ............ ( يمبل عنك وينحرف )

يمشي برايك مثل هالماي بالشط .......... ( النهر و الماء )

ملعون عمره ما فتر يجيك من شط .......... ( نشيط حيوي )

لا مر اسمك بالغلط حطيت شرطة ......... ( خط تحت الاسم )

عقلي واعرفه معك موجود شرطه .......... ( يشترط يكون معك )

ما جوز عنك لو تحط بالباب شرطة .......... ( عسكر وشرطة )

عقلي واعرفه زين ملعون لا شط .......... ( اذا مال وانحرف )


الثانية


غرقان غرقني بعد وانا اجر فيك ......... ( اسحب فيك )

كسبت فيني ذنوب ماخذت اجر فيك ......... ( معروف واحسان )

اللي يعرفك زين ما ظن تجر فيك ........ ( التجاره بك )

ما بيك يا بلوى غصب ما بيك من صج ...... ( من صدق )

سنتين من عمري وانا وياك من صج ...... ( منزعج )

مخبوز من جمر القضى ما هو بمن صج....... ( صاج الخبز )

احبال حيلي تقطعو وانا اجر فيك ......... ( اسحب فيك )



وسلامتكم

شعر : محمد الماجدي

صح لسانك يامحمد


والمعروف ان الزهيريات يعرف بها شعراء العراق ويبدعون فيها

يعطيك العافيه اخي محمد
والله انك ذكرتنا بالموالات العراقيه


بارك الله فيك

صح لسانك مع اني مااحب هالنوع من الشعر

لاكن انت تستحق المتابعه اخي محمد

تستحق المتابعة


ومنظومة زهيرية رائعة

وتسمى عند أهل الجنوب : ( فن الشّـَقـر )

مشكور اخوي الاديب ومرورك اسعدني