ياراكب

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياراكب ٍ من فوق راع القزوزين = جمس ٍ جديد ومصنعه بالولايات
من مصنعه ماغيروله بليتين = ليا مشى يعجبك صوت القزوزات
راعيه ماطقوا عليه الديايين = شاريه كاش ولا اندفع به قصودات
من وسط عرعر وجهه فجر الاثنين = واياك تنسى عزبة البر بالذات
واخذ الرفيق اللي يفل الحجاجين = خفيف دم ولايعرف الكسالات
لاصحت به ياسعود جاوب على الحين = لوهو بعيد ٍيزعج الرد باصوات
وعند المحطة لك وقود ٍ بنوعين = عب الحمر يقطع بعيد المسافات
كمل طريقك لايسار ٍ ولا يمين = ترى طريقك مدته خمس ساعات
لاجيت ريضانن بها النبت لونين = فل الحجاج وخل عنك المراوات
نزل دلالك والمعاميل بالحين = واحمس من البن اليماني بدفعات
واطرد عماس الراس باربع فناجين = واياك تنسى تضبطه بالمقاسات
للبر لذه في قلوب المحبين = طب العليل وطب من يشكي اهات
ماقلتها ياكود شاهدت بالعين = من يطلب العليا يخج الصعيبات
وانا احمد الله فاهم ٍ للقوانين = ولا احب من يمشي دروب الرديات
ايضا واجازي راعي الشين بالزين = نمشي على نهج الجدود القديمات
ولا اخاوي الا من يعظم هل الدين = ناس ٍ تقيه ماتناسى الصلوات
[/poem]

صح لسانك ............ امتعتنا بهذ الابيات الجميلة ..........وفقك الله

صح ابدانك00000اسعدني مرورك

صح لسانك على هذه الابيات الرائعه والجميله

لاهنت.....

حياك وبياك عزيزي الكااااسبر 0000 صح ابدانك

صح لسانك وعلا شانك

بارك الله فيك على هذه القصيدة الرائعة جدا

صح لسانك على القصيده الجميله

اشكرك على المرور اخي العزيز