الحب الحقيقي ..............

أهداء الى أخواني في المنتدى

دخيل الغلأ اللي راح واللي وقف مرتاب
بسميه عشق وأنت مدري وش تسميه

دخيل العيون اللي عليه الحلأ جذاب
تشوف الولع فيهن ولا تدري وش تاليها

دخيل المكان اللي جمعنا ولا هو أعجاب
أذا لي معزه طاري البعد لاتطريه

لوا تشوف وضعي عندما تلتقي الأهداب
لك الله لوا لك نية بالجفى تلغيه

أنا وأنت غايب كن وسط العيون أتراب
تنام الخلايق والا أنا أنوم مالي فيه

ذبحني غلاك اللي سراء مثل سم الدأب
طفح بالعروق وكل ماوافقه ينهيه

بقى قلبي اللي ما ذبحته وهو منصاب
أنا أدري تبي تستوطنه يومك تخليه

سكنته وهو عمره قفل بالوجيه الباب
أنا أعرف قلبي لاعشق لارحم والايه

يجي كله من أقصاه ويحب في أستغراب
قصى ماهو مع بشر ليتك أداريه

ترفق على قلب تلوع بك أولا تاب
تعذب أو لامنه نوى البعد مايمديه

تمكنت به حيث الولع مثل غرس أناب
مصيبتك تدري ليه المفارق ليه

ودخيل الجمال اللي تلافت له الأرقاب
وأنا اللي لفتني زينك وجيتك مباريه

تمعنت فيك وجيت هايب وأنا ماهاب
ولا أقفيت عنك إلا وأنا هالغلأ معطيك

عليك العيون اللي لهن فعل غزوعقاب
ضعيفاة خلق بس ياويل من تنويه

ولك نور وجها كن لك في النجوم أنساب
وليل عجز من طوله الكف لايسريه

عبث وأنت مقبل تستفز كثير أعصاب
تبي تلفت الانظار مناك لي منيه

دخيلك على بعضك ولاهي بدعوى أعتاب
تعيد أنظر في البعد من قبل لاتبديه

عليك الله أكبروأنت حكمك شريعة غاب
تجيب أطعون وتجرح الخافق وتدميه

وأنا أموت فيك وصال وأموت فيك غياب
وهي موتاتا وحده مع فارق التشبيه

ومن قال مابه موت في الحب قلت كذاب
بجميل وبثينه ماذبحهم مرض ياهيه

أحبك .. أحبك ومن حبك خسرة أغلب الأصحاب
أذا عاتبوني فيك وعتابهم ماأبيه

أحبك ..أحبك ولا تسأل حبيبي عن الأسباب
أنا لوا أعرف أسباب حبك قدرة أنهيه

ألا يامعرض رجل مغليك للمرقاب
أثر بطوال تفرج الهم ياراعيه

أنا بسألك هوصحيح الهواء غلاب
أنا بنصح اللي مثل شرواي لا يمشيه

ومن لايحسب بالهواء للفراق أحساب
لك الله ماغناءسلامه يبي يغنيه

إلا ليت ربي ماخلق في الغرام أغياب
وإذا فيه فرقاء طاري الحب لانطريه


من كلمات الشاعر المعروف حمد السعيد