انتبهوا لا احد يتوهق مثله = صور + تعليقات

طبعاً جبت لكم القصة منقولة علشان تعتبرون وتنبهون ما نبي أحد يتوهق الخير مقبل إن شاء الله وما نبي ازعاج والا مغامرات ما لها داعي سامعين
كان ياما كان في قديم الزمان




كان فيه واحد جاي من وادي الدواسر



وده يتفرج على السيول في صبخة القصب



اللي تجيك قبل القصب على اليسار وانت جاي من الرياض



المهم الرجال وقف سيارته على جال البحيره ونزل يتمشى











مادرى الا الماء وصل موتره



حاول يطلع لكن ما امداه










كفراته صارت تدور في الطين







المهم ترك موتره يمرح يوم جا الصبح ويفزع له راعي حراثه



حاول يسحب الجيب لكن صارت هذي النتيجه









ومن جهة أخرى







تلاحظون الزمزميه ؟؟



شكلهم وسعوا الصدر عند الحراثه









مسيكينه هالحراثه



راحت فيها

هالحين الحراثه تقول

طلعوووووني وش لقفني اجي بهذا

المهم أشروا لراعي سقس على الخط وجا يبي يسحب الحراثه

وكانت هذي النتيجه

وهذي صورة ثانيه ولاحظ قرب خط الزفلت

وعرفوا ان الموضوع يبي يطول والدليل ترمس المويه!!

قالو مابيدينا حيله لازم نجيب دركتل

لكن شوفو وش صار

من شفت الطاسه اللي حاطها ورى وانا غاسل ايدي

قامت الحراثه تضحك

قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده

المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه

وقعدو يتقهوون بالبريق اللي قدامكم

وفعلا جا الوايت علشان يسحب هاللي غاطسين

وشوفوا وش صار

قال 998 :P

وتركو الجيب والحراثه والسقس والدركتل

وحاولوا يطلعون الوايت

شكل السواق توهق وانواع الجزاءات تبي تطبق عليه

وحاولوا كثيراً بدون فايده

يوم انهم عجزو قالوا ما يفل الحديد الا الحديد

جيبوا ابو جنزير

ويجيك يتمخطر ويضحك على هاللي غاطسين

لكن جاه ماجا ربعه

تعلق اخينا في الله وقال هذا مكاني

وجابوا عمال البلدية يحفرون له وحطو له خشب يبونه يطلع لكن ما فاد

وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير

قررو يسحبونها من بعيد

ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت

هههههههه الصبخة ما يلعب معها على الزفلت وعساك تسلم

ثم سحبو الدركتل

والحمدلله على السلامه

هذي صورة للموقع من بعيد

يستفاد من الموضوع

1- لاتهايط اذا شفت السيل

2- حاول تستفيد من اللي توهقوا قبلك

3- مهو كل من اتصل بالدفاع المدني يبي يطلع
عسانا ما نلقى أحد من الشباب نفس المشكلة عموماً انتبهو لأنفسكم ما نبي مشاكل