قالت علامك تلبس عقال وشماغ

قالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعولـه

قالت علامك تلبس شماغ وعقـال
انت بدوي؟قلت بدوي ومن حموله
ما ألبس بناطيل لها الوان واشكـال
وامتر الشـارع بعرضـه وطولـه

قالت اجل راعي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه

قالت ترى بنت البدو حظها مـال
قلت احذري حذرا تكوني جهوله
بنت البدو يابنت مضرب للامثـال
فوق الجمال وطاعة الله خجولـه
ماحطت اصباغ ولا حطت ظلال
ولا سيرت بالسوق سيـر مهبولـه
هي مهرةٍ تصعب على كل خيـال
وانتي ومثلك عسفهـن بالسهولـه

قالت تغزل بي وشف حبة الخـال
ناظر عيوني والرمـوش الكسولـه
قلت العفو مايجتمع حب وهبـال
ولكـل ذوق فالمزاييـن جـولـه

قلتي وقلت وكلمة الصدق تنقـال
الزين ماهو من شـروط الرجولـه

اقتباس قلتي وقلت وكلمة الصدق تنقـال الزين ماهو من شـروط الرجولـه

شاعر يغوص في بحور الشعر

صح ذوقك الراقي

شكرا لك

سلم فكرك واختيارك

لله درك على هالتميز

بيض الله وجهك على هذا النقل الجميل

قصيدة جزله صح لسان شاعرها ... وتسلم يمينك على الاختيار

فلو ذكرت صاحب القصيدة لكان افضل

وفقك الله

قصيدة جزله صح لسان شاعرها

صح لسان الشاعر وتسلم على النقل

صح لسان الشاعر ,,, بارك الله فيك على النقل.

تقبل مروري ,,, ودمت بصحة وسلامة .