أبو متعب عزنا في وطنا =عدل الميلات أبو عقال مايل

مصافحه أولى وأتمنى أن تنال إعجابكم

ومهما كتبنا في الوطن لن نوفية حقة . أدام الله هذا الوطن ,,, وأدام حكامة آل سعود .

[poem=font="mateen,6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياوطنا من طمع فيك جنا =في صباح العيد شاف الهوايل


قادنا شيخاُ وسيفه محنا =رد عنها كل طامع وعايل


مايروح اللي بغيناه منا =نحضر الهيه ونجني الحصايل


يوم جاه القصف منا ومنا =وأوشك إن الدار والحكم زايل


لين جر بعالي الصوت ونا =يطلب الرحمة ولاله بدايل


ماحصل للمعتدي ماتمنا =نصعد الامجاد والحكم طايل


ياوطنا من زبنا زبنا =مايروح الحق والسيف مايل


الله اللي عاننا يوم عنا =سطر التاريخ مجد وفعايل


والخطاوي ثابته لامشنا =يوم كلاً نازلاً ومتمايل


نتكل باالله وفيه استعنا =وإن حكينا قولنا له فعايل


يادفاتر دوني فيه عنا =حكمنا بين السعود الأصايل


مادرا بي ساهراً وأتغنا =ليت يسمع من كتب فيه قايل


أبو متعب عزنا في وطنا =عدل الميلات أبو عقال مايل


وإن تكلم كلمته ماتثنا =والصدى يسمع من جبال حايل


ياوطنا ياوطن ماوطنا =سقت من حبك جزيل المثايل


زايداً وصفك عن البيض فنا =يابلاد الدين مجد الرسايل


والصحاري لاضمينا رونا =نشرب ترابك نهار القوايل


من يعادينا خواته بكنا =شعطن ثيابهن والجدايل


كان شان المعتدي حيل شنا =ضربنا يشفي لهيب الغلايل


ياوطنا للمعادين حنا =يوم ولد اللاش مامن صمايل
[/poem]

،،، وسلامتكم ,,,

أخوكم الشاعر /
طلال بن عواد السعدي

صح لسانك ويستاهل ابومتعب0بارك الله فيك ابو شنـــــــب

صح لسانك وعلا شانك ... قصيدة في قمة الجمال

مبدع يابو عواد .... ننتظر جديدك

صح لسانك ، قصيدة جزلة

ويستاهل وطننا الحبيب


فعلا أنت مكسب لنا يا شاعرنا الجديد طلال السعدي

فأهلا بك مليون وزيادة

صح لسانك ، قصيدة جزلة

الشاعر طلال عواد السعدي ... صح لسانك وبيض الله وجهك

مبدع كعادتك .... بإنتظار جديدك واهلا فيك مليون وزياده

الوطن يستحق منا الكثير .... نسأل الله ان يحفظ مليكنا ووطنا

الأخ العزيز / الملا صح بدانك وعلا شانك .

يسعدني مرورك على القصيدة .

ودمت بعز ومعزة .

الأخ العزيز / زعيم الملتقى صح بدانك وعلا شانك .


يسعدني مرورك على القصيدة .


ودمت بعز ومعزة .