عوى الذيب ؟

مازلت في الصحراء وهبايبها وسواليفها اللي تنعش قلب المولع فيها .وفي ليلها اللي ياخذني إلى عالم الحلم والخيال والرومانسية.
هذي القصة فيها أكثر من معنى ومغزى يبرز فيها حسن التصرف ومدى الحُلُمْ والصبر عند المرأة والرجل أيام البادية.وأترك لكم التعليق على هذه القصة .
فيه بنت يتيمة الأم وعايشه مع أبوها ومرة أبوها واخوانها وجا يوم من الأيام وتقدم لها شاب وخطبها بعد موافقة الأهل واعجابهم فيه طبعا وتملكوا إلا يا ذيك العوينه اللي صابتهم مدري وش
حاسهم وشك بوووم إلا دب الخلاف بين أهل البنت وزوجها.وعاندوا أهل البنت ورفضوا يعطونه زوجته بعد ما ملك عليها ، وبعد
فترة أرسل الزوج مندوب( الصبي) سرى للبنت ووصاه يقول للبنت: رح واسألها هي راضية على ما حصلنا أنا وهي؟؟بسبب الخلاف.
ووصاه بعد انه يقولها: إن زوجك يبي شوفتك ويقابلك بعد صلاةالعشاء ،و بيجي قريب منكم ويعوى في البندقية بحيث يكون الصوت شبيه بصوت الذيب وما ينتبهون أهلك ، وتكون هذي إشارة
بيني وبينها.وراح الصبي اللي أرسله للبنت وقالها نفس الكلام
اللي وصاه فيه الزوج. فقالت البنت: ما عندي مانع ، ورجع الصبي وبلغ الزوج بموافقتها . وجاء الزوج على حسب الموعد اللي اتفقوا عليه. وعوى مثل عويت الذيب وتسري البنت بعد ما
تأكدت إن عمتها نايمه . وتقابلوا وجلسوا مع بعض وكل واحد يشكي للثاني وش كثر متولعين في بعض ومر الوقت بدون ما يحسون فيه الين طلعت الشمس وبعدين كلن راح في طريقه.
ورجعت البنت إلا لقت عمتها في مرقدها وارتاحت البنت انها ما درت عنها بس فجأة
عمتها حاسه فيها من يوم سرت البنت وهي ساكته
إلا يوم جت حزت الظهريه وقامت العمة تقول البيت هذا تنصح فيها البنت وتعلمها انها داريتن عنها:

يا ذيب ياللي جر صـوت العوابـهمدري طرب وإلا من الجوع ياذيب

الذيـب لا يشلـع صوابـك بنابـهويفضحك بين زين البنات الرعابيب

إلا البنت ذلت يوصل الخبر لأبوها واخوانها وتبي اتدارك الموقفوتبين لها انها حريصه على شرفها وما سوت شي غلط وردت عليها بالبيت هذا:

وحيات اخوي منشـئ سحابـهمـاهـوى جيـبـي الـعـيـب

أنـا كمـا عْـدٍ قليـلٍ شرابـهما تدهله في القيظ عوج العراقيب

وبعد مدة شهر شهرين إلا بطن البنت وكل ماله يكبر واكتشفت إنها حامل وعرفت عمتها بهذا عن طريق ملاحظتها للبنت وهي تتهرب من ابوها واخوانها وما تجلس معهم وكل ما قالوا وين فلانه
قالت عمتها: تسرح بالحلال والا مع البنات عند الغدير. الين تطورت المسألة وقالت عمتها: لازم أبلغ ابوك واخوانك وإلا انفضحنا عند العرب كلها،ووافقت البنت وصل الخبر عند ابوها
واخوانها إلا انهبلوا باللي حصل فيها وبالفضيحة اللي بتجي لهم . فقالوا لها: وش سويتي ؟؟؟ وقالت لهم: بكل ماصار بينها وبين زوجها. وما صدقوها أهلها، وانهارت البنت وباللي حصلها. وظلوا
محتارين أهلها في المصيبة اللي مالها حل.فقال اخوها الصغير:
انا بروح عند زوج اختي واعرف السالفه الحقيقيه منه .وراح الولد وتنكر علشان ما ينكشف أمره وجاء عند زوج اخته وصار له ضيف،وقام الرجال بالواجب وهو اكرام الضيف ،وبعد العشاء وبعد ما خف
المجلس وراح الكثير من جماعته، قال الولد الضيف: تسمح لي
أغني بالربابة؟؟ فقاله: تفضل وسمعنا. واخذ الربابة اخو البنت
وقال هذي الأبيات:

ياذيب ياللي تالي الليل عويـتثلاث عويات على ساق وصلاب

وبعدها يا ذيب ويش انت سويتيوم الثريا راوست والقمر غاب

بعد هذي الأبيات حط الربابة وسكت، اما الرجال بعد ماسمع القصيده عرف السالفه واكتشف انه الضيف يا اخو البنت او من عيال عمها ، وعرف كل ماحصل بينه وبين البنت ونكشف أمرهاخذ الربابة الزوج وغنى عليها الأبيات هذي وهي رد على
الأبيات اللي قالها الضيف:

عز الله إني من عقب جوعي تعشيتوأخذت شاة الذيب ما بين الأطنـاب

على النقا وإلا الردى مـا تهقويـتإدوا حلالـي ياعريبيـن الأنسـاب

وهو بهذي الأبيات يبين انه اللي حصل بينه وبين البنت كان من حقه وحقها بحيث انهم تملكوا على بعض ، وهي حـــلال عليه فقال: أنا جيت بالطريقة المشروعة. وبعد ما سمع كلامه اخو
البنت قام و سلم عليه وعرفه على نفسه وقاله: راح تروح معي وتاخذ زوجتك وين ماتبي



تقبلوا تحياتي


الكاتم





ابونايف