قصيدة ( يا جرح قلبي ) للشاعر قطيفان الجميلي

هذه القصيدة تعتبر من أشهر قصائد الشاعر المرحوم : قطيفان سلامة الجميلي وقد قال هذه القصيدة كما يقول أحد المقربين من أبنائه في
شبابه ، وهي قصيدة عاطفية تحكي معاناة الشاعر مع محبوبته .

يا جرح قلبي جرح عرعر بواديـــــــه ....... إن جاه من نو الثريا مخيلــــــــه
غراء تدربي من وحمها هواديــــــــــه ....... وللي على راس الزبارة تشيلــه
نقر لها الشرقي وسكر شماليـــــــــــه ....... وصبت غزير الماء لمن يشتهيلـه
على عشير كل ما قلت قال إيـــــــــــه ....... قبضت علم ولا أدري وش حصيله
مثل العسيف اللي على الهون اداريـه ....... انوى ونوى كان هو ما بديلــــــــه
والله لخلي كل شغلي وابديـــــــــــــــه ....... اما اتركه وإلا استحله طويلـــــــــه
افمي يهذري به وعيني تراعيـــــــــه ....... وقلبي قعد عنده وكبدي غليلــــــــــه
والرِّجل يمه ما شكت من مواطيـــــه ....... والحال لو تاكل نفيعن نحيلــــــــــــه
لا تحسبوني كل مبطيت ناسيـــــــــــه ....... شري وغربالي اليا طال طيلــــــــــه
يا منهو اللي كل هرجي يوديــــــــــه ....... يكسب بي أجرٍ وغير ذلك جميلــــــه
جنسه غريب وعايزات مواريـــــــه ....... زملوق صيفٍ نابتٍ في مسيلـــــــــه
ودك على أول زوم نبته تباديــــــــه ....... وتاكل بقفراته ليالٍ طويلــــــــــــــــــه
يا مطلق المخلد طبعت ابلاويــــــــه ....... لا يا الذيابي فل حيلي بحِيلــــــــــــــه
ما من صديق ولا محامي يحاكبـــه ....... وليا دفعت له الغرض ما يجيلــــــــــه
يدرى عدوٍ مبغضٍ ما يدانيـــــــــــه ....... لو هو على كيفه يجي ما نجيلــــــــــه
أخاف من دحشٍ كبارٍ علابيـــــــــه ....... ما يعرف العفة ودرب الفشيلــــــــــــه

بارك الله فيك

ولعلها ذكرت في هذا المنتدى من قبل والله أعلم

بارك الله فيك اخي على النقل ولكن القصيدة مكررة نامل التاكد من قبل المختصين

يعطيك العافية على النقل ورحم الله شاعرنا الكبير / قطيفان الجميلي

يعطيك العافية والقصيدة رائعة

يعطيك العافيه على النقل اخي الكنغ

لاشك ان الشاعر قطيفان رحمه الله من فحول شعراء الجميل
وصح لسان قايلها وسلمت يمينك ياناقلها

السلام عليكم ورحمة الله وبركاته
يعطيك العافية على هذا النقل الرائع
المميز 0الشاعر المرحوم الجميلي
له قصايد شعريه كثيرة 00000
نامل المزيد والتواصل 0000
تحياتي00000
00البســــــــــــــامي00