يامزون - ملتقى ومجالس قبيلة الجميل الهلالية ( الموقع الرسمي )

توقيع » · منذ /10-02-2011

السلام عليكم اعزائي وعزيزاتي اعذروني ع غيابي وذلك لظروفي واقدم هذه القصيدة عساها تشفع للغياب

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
نطيت أنا المرقاب من ضيقة البال = من ضيقتن في داخلي عذبتني
وابدعت في راسه أنا حلو الامثال = مثايلن ماعاسرت طاوعتني
مثايلن تصلح على كل موال = تزاحمت من كثرها عاجلتني
يامزون انا يابوك يابوك رجال = ما اطيح لو ان المصايب فجتني
ياما وياما شلت يابوك الاحمال = اضحك ولو ان الهموم اخنقتني
لاشك انا بوصيك يامزون بخصال = تنفعك يابنتي مثل ما انفعتني
أدي صلاتك واتركي قيلن وقال = تحرسك يابنتي مثل ما احرستني
والكذب حذرا لايجي لك على بال = لوك بعيده حالتك ماخفتني
والمال لايغريك من يجمع المال= المال جمعه شغلتن ماشقتني
يارب يامنزل تبارك والانفال = افرج لعين بالسهر أرقتني
واغفر لنا في يوم تبديل الأحوال = يوم القيامه والذنوب اثقلتني
في يوم لاينفع قريب ولا خال = وأمي وابوي وعيلتي حاربتني
ماينفع الا ماجمعته من اعمال = مير افهمي يانفس ياظالمتني
الموت فجأه للمخاليق يغتال = ياما انذوره بالحياة انذرتني
يارب حسن الخاتمه منك ياوال = على الشهادة وبسجودي أمتني
[/poem]