قصيدة للشاعر محيا الشريدة بمناسبة فوز شلال

هذه قصيدة للشاعر الكبير : محيا بن شريدة الخليف الجميلي ، بمناسبة فوز الأخ : شلال بن محمد الحريجي بانتخابات المجلس البلدي ، ونسأل الله له التوفيق.



[poem=font="mateen,6,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

جبت قيل مثل الأثمار من روس الغريس=أو مثل صرف الذهب وارتفاع اسعارها
يالنشامى رفعة الراس باليوم التعيس=تفتخر فيها القبيلة وتحيي نارها
قال شاعركم محيا " المقصر والخسيس=شمتوا به يالقبيلة وروس خيارها "
ناقص حقه .. وبجاخ بالحكي .. ويفيس=عقبوه الدلة اللي يفوح بهارها
ما نبيه ولا نبي طاري النجس المخيس=عقبته عن لابته ما درى معيارها
قاعد مثل المره يا لعين المنتريس=ما حضرت بماقفك نيتك وش دارها
كلمة ابن حميد من لا يدوس الراي ديس=القلوب الميتة فتحت منظارها
يا عذاب اللي تحدى وصار لنا نفيس=ما علينا من قصار المدى واشوارها
يا شجاع بالمهمات والشدة مسيس=فزت في لم القبيلة وفعل انصارها
زين وقفة حزب شلال في يوم الخميس=فرحة يرجي فرحها وغز شعارها
وقفة الشجعان وقفة شرف وأخزوا بليس=وعقب وقفتهم هاك اليوم زين اخبارها
وقفة منها المنافس وربعه تستبيس=فيه عصمة للشوارب تحير أفكارها
استسرينا بها وانعمت عين النحيس=وخسرت العدوان وكبودها بأمرارها
أعلنوا علم الفرح من وزير إليا جليس=ما حلا بدع التماثيل من شعّارها
[/poem]

يسعد اول من يرد على هالطرح الراقي

ابو سسسسطان سلمت يمينك
وصح لسسسسان الشاعر محيا الجميلي

ويستاهل اخونا شلال ....

ودي ~ لك

صح لسان الشاعر الكبير محيا الشريدة

وتسلم يابوسلطان على نقلك المميز للقصيدة الرائعة

ومبروووك فووز شلال

صح لسان الشاعر الكبير محيا الجميلي علىالقصيدة الرائعة .

و الأخ / شلال الحريجي يستاهل كل خير والله يوفقه لمافية المصلحة العامة ومصلحة الوطن والقبيلة ويكون ممن يقتدى بهم إن شاء الله ومثال للعضو الناجح .

وبارك الله فيك ابو سلطان على طرحك لكل ماهو مميز وجميل .

تقبل مروري ,,,,, ودمت بصحة وسلامة .

صح لسان الشاعر الكبير محيا .....ويستاهل الاخ شلال

صح لسان الشاعر والناقل
ويستاهل شلال كل خير
ومشكور اباسلطانكما عودتنا
على التميز

اقتباس المشاركة الأصلية كتبت بواسطة ĦǾǿŁṧŧεή يسعد اول من يرد على هالطرح الراقي ابو سسسسطان سلمت يمينك وصح لسسسسان الشاعر محيا الجميلي ويستاهل اخونا شلال .... ودي ~ لك

الله يسلمك

وصح بدنك لاهنت

اقتباس المشاركة الأصلية كتبت بواسطة زعيم الملتقى صح لسان الشاعر الكبير محيا الشريدة وتسلم يابوسلطان على نقلك المميز للقصيدة الرائعة ومبروووك فووز شلال

صح بدنك لاهنت