فعلا............ كارثه

هذه قصيده مهداه لكل أم وأقول أم وأنا أعلم كم تعانى تلك المسكينه .
نعم الامومه نعلم ما هي وقراءنا عنها الكثير ونسمع عنها الكثير .
ولكن لم نصل لمدى معاناتها ولم نتجرع ما تجرعته فى سبيل تربيتنا .

عموم انا أذا أردت أن أحكم على شخص أو أردت معاشرته أستقصي
عن معاملته مع والدينه فان كانت جيده أأمن جانبه واتواصل معه .
لسبب : من كان جاحد لوالدينه لا تأمن له

أنا حاولت ابين معاتات الام من هذه القصيده وتخيلت ان لها أبن
وحيد أسمه ( حمود ) وتزوج ونسى أمه الارمله .

(((((((((((( قصيدة ألام )))))))))))))

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أبسالك لا ضاع يا حمود الدليل = شلون تقدر يا عضيدي تمنعه .
بسالك وش حلل الغصن الطويل = اللي كنت أسنين بيدي أزرعه .
يوم غصني لكل خلق الله يميل= ولا دنى صوبي يدينك تقطعه .
أنت تدري أن خبري بك اصيل= دام من ديدي حليبك ترضعه .
يوم تسمع لي على دمك صهيل =حتى وأن قالوا نزل من أصبعه .
يوم كل اللي اسوي لك قليل=حتي لو سم الأفاعي أجرعه .
تسعة شهورن وزبدي بالصميل= لا أنحنى ظهري بيديني ارفعه .
ليه قلي وش خطاي أنك تعيل= ليه تخطي والخطا من يبلعه .
بنت خلق الله ترى ما هي بديل=والضنا قالوا يرد لمنبعه .
وش أسوي يوم صرت ألها حليل= وضعت أنا يا حمود وسط المعمعه .
والله منسى يوم جبت ألها الكليل= ويوم جبته ليت جا كفني معه .
صرت في بيتك مثل عابر سبيل= وصار نوحي حتى ورعك يسمعه .
ليه قلي عن حضن أمك تشيل= ما تشوف النار فيني مولعه .
لا تلوم اللي غدى بليا خليل= لو خفوقه من ضلوعه يشلعه .
ليه يامك ما تخاف أمن الجليل = ما تقول الدين لازم أدفعه .
ما تخاف النعمه بيدينك تزيل .= ..........أكمل الفراغ....... أربعه .
مشكله لا صرت بالدنيا ذليل = وصار وجهك كل من جا يصفعه [/poem].[/poem]

وسلامتكم
شعر : محمد الماجدي

بنت خلق الله ترى مـا هـي بديـل
والضنـا قالـوا يــرد لمنبـعـه


ياسلالالالالالالالالام عليك اخي محمد

انت شاعر العذوبة والبروالاحساس بالحنان

قصيدة موجعه من شاعر قادم للجمال


واسمح لي على التنسيق ماكانت القصيدة واضحة

يوم كـل اللـي اسـوي لـك قليـل
حتي لـو سـم الأفاعـي أجرعـه

صح السااانك الشاعر محمد الماجدي

صح لسانك

وهذه القصيدة تحاكي واقع كثير من الناس

لا حول ولا قوة إلا بالله

قصدة مشابهه لقصيدة الخناجر للشاعر حامد زيد
شكراً لك وصح لسانك

مشكور مرورك اخوي وسعد دعمك سبب مواصلتنا .
مشكور اخوي الامين فعلا واقع الله يثبتنا ويعينا
مشكور اخوي سند وانت خير بار بوالدينك منى شهادة
مشكور اخوي الكايف ان كانت تشابه الحناجر وصلنا

اخوي الكايف مشكور تنويهك وتعليقك على القصيده .
تشابه قصيدة الحناجر
حامد زيد شاعر كبير واحب شاعرتيه وكيفية تعامله مع النص
ان كان التشابه من حيث القاف والقوه واللون فانا اعلم بان قصيدة الحناجر هى ام قصايد الشاعر
ولكن هناك اختلاف بالموضوع وهو بيت القصيد ...
الحناجر تتكلم عن الغدر والخيانه والحسد
وقصيدتنا تتكلم عن الام وعقوق الابناء
قصيدتنا من حيث الافكار وصور والتشبيه وطريقت الطرح
تختلف عن قصيدة الحناجر
وأخيراا
بيض الله وجهك انك قارنتنا بحامد زيد
ارجو ان وضحت

جزاك الله خير يامحمد
وسجلني من جمهورك


وانا احب ان اتساءل لماذا انت غايب عن النشر؟؟