بين الرجا والياس . ( . ملتقى العشاق . )

بسم الله الرحمن الرحيم


السلام عليكم ورحمة الله وبركاتة



ياصاحبي عين الرجا رمشها شاب
من كثر ماشفت الاسى في زماني


جارت علي وصكت بوجهي ابواب
ماشفت غيري واقف(ن) في مكاني


صدري يضيق وضيقتي مالها اسباب
هم ربى مابين عوج المحاني


قضيت عمري بين صادق وكذاب
مالي ومال الشك ربي بلاني


وارض بها ماشفت لسيف مضراب
احترت فيها لين ربي هداني


وشلون بسلم بين ناب ومخلاب
بين الرجا والياس حظي رماني


ولاكنت اظن الموت مابين الاهداب
حتى صدفته بالطريق وخذاني


اول بدايات الغلا نظرت اعجاب
مع ظحكت(ن) مرسومت(ن) بالاماني


من شفتها صدت تجاهلت الاداب
العمر فرصه والليالي ثواني


جيته وانا كلي مشاريه وعتاب
من دون مشعر شوقي اللي خذاني


جيت اشتكي له من عنا خافقً ذاب
واحتار في بحر(ن) بليا مواني


جيته غرام وشوق مع نشوة احباب
يومي خذيته للنجوم وخذاني


ضميت طيفه وابتداء الحب ينساب
واعلن ولائه لي بعد ما دعاني


يوم احتضنته شوق والشوق غلاب
كن الحزن والهم صد ونساني


قفيت منه وشوقي بقلبي اسراب
خلي بعيد وبعده اللي دهاني


طابت جروح الامس والجو لي طاب
ماغير جرحً قلت طاب ودماني


وسط العرب كني غريب مع اجناب
مثل السجين اللي بسجنه يعاني


ضاعت علومه عقب لمات الاحباب
مثل الشهر عنده مرور الثواني


ظليت اسامر نجمة الصبح مرتاب
وان جى الصباح اقول مامداه جاني


مالي سوا ذكراه من بعد ماغاب
والحب والذكرى وباقي حناني


ليل الشتاء ياساهر الليل وش جاب
غير الضياع اللي بهمه طواني


وسلالالالالالالالالامتكم م م م

صح لســانكــ وبيض الله وجهك

السلام عليكم هذه القصيده للشاعر فيصل نايف الطرقي قصيده غزلية واقعية واوعدكم ماتكون اخر قصيده اتمنى ان ترضي اسماعكم

صح لسان شاعرها وبيض الله وجهك

سلمت يمينك أخوي على مانقلت

صح لسانك .... قصيدة جدا جدا جدا رائعة

وفقك الله

صح لساااان الشاعر .......... وتسلم على نقلك الرائع

صح السان الشاعر سالم
بارك الله فيك

صح لسان الشاعر

وتسلم يمينك