احتاج له

هذه قصيدة كتبتها في ريعان الشباب

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,seagreen" type=2 line=1 align=center use=ex num="0,black"]
أحتاج له وادري به إنه هواني=واحن له ويزفني يمه الشوق

لاهو يكلمني ولاهو جفاني= ولا عطاني بالهوى عهد موثوق

لقيت بعيونه لحبي مواني= وشفته بقلبي قبل مايشوفه الموق

ياكثر تعذيبه وما أكثر حناني= لاني طريدٍ له ولا هو بملحوق

إن جيت أببعد في خيالي ثواني=يسوقني قلب احترق وجد له سوق

حبه تغلغل بين ذيك المحاني= جدد قديم الود وأحيا بي عروق

أقول فيه الشعر وأحلى المعاني=وأحكي غرامه ويتحول لطاروق

ليا ضحك يضحك بوجهي زماني= واحس ماني من عنا الحب معتوق

يوم إن حظي في غرامه رماني=أنشهد إني أسعد الناس مخلوق

أعيش في ظل الرجاء والأماني=وإلا الوصل في حبل الأيام مشنوق

عساه يلقى ماعطاني زماني=ويجرب الفرقى على حرقة الشوق[/poem]

صح لسانك .....

لقيـت بعيونـه لحبـي مـوانـي
وشفته بقلبي قبل مايشوفه الموق



بيت عن قصيده وبعدين يااخي انت شاعر ظالم نفسك


وهذاالذي نقراه شعر جميييييييييييييييييييييييييييييييل



اتحفنابالجديد دائما ولاتحرمنا من الابداع

أعيش في ظل الرجاء والأمانـي
وإلا الوصل في حبل الأيام مشنوق

عساه يلقـى ماعطانـي زمانـي
ويجرب الفرقى على حرقة الشوق


صح لسااانك

كتبتها في ريعان الشباب



تكفى ياشايب



اقول كثر منها بس

وكثر من القصايد خصوصا عن الحرية والانفراد وغيرها من المعاني الجميلة


شكرا ياشاعر ...وصح لسانك

صح لسانك

وعلا شانك

ًٌقصيدة روعة ..صح لسانك
ولك اعجابي

اقتباس المشاركة الأصلية كتبت بواسطة أمين المجلس صح لسانك .....

صح ابدانك ...