قصيــــــــــــــــــــــدة فرانكفـــــــورت .............!!!!!!

قصيدة حمد البريدي

لا ضاق بي صدري تعيني على الرجم المنيف

اللي شموخه متعب العقبان وفروخ الحرار .

. ما حدني له .. كود .. فرقا واحد " ماله وصيف

ومن يوم سافر .. والضلوع مكسره وتشب نار .

. فإلى بكيته ما علي من حد .. حبي له شريف !!

والبعد عن من تعشقه .. فتره تعايش واختبار .

. خايف على دمعي ليا هليته ..يقولو .. ضعيف

ولا الضعف ماهو بصوبي .. بس للدمع انحدار .

. للي طيوفه .. ذابحتني ..كلبيها طيف .. طيف

وتضيع احوالي ولا ادري (ليل) انا ولا (نهار) .

. ويلااااه !! .. يا ترف الصبا يا مالك القلب النظيف

تقول قررت السفر .. وآقول يا (صعب القرار) .

. وش حال قلبي دام هذي عادتك في كل صيف

تسافر اوروبا وأنا ماني بحمل الانتظار !! .

. ما بين ( بون ) وما حواليها وباريس وجنيف

ولا انا حدي دبي او لحمدي .. او.. عين دار .

. يا ليتني فالطايره .. لا قدك بتسافر مضيف

على الأقل ابقى معك .. من المطار اليا المطار .

. ابطعمك من كفي اليمنى واقطع لك رغيف

وآكلك من كل حاجه مثل تاكيل الصغار !! .

. تكفون يا هل ( فرانكفورت ) انا مولع في وليف

ميت بحبه واعشقه !! .. وأعشق ثناياه الصغار .

. ما حاز به عني سوى ..الاقدار والوقت السخيف

اللي خذا قلبي معه في الطايره واقفى وطار .

. امشى ولا مني مشيت امشي مثل مشي الكفيف

يا صاحبي نفسي بعد ما غبت .. عافت كل دار .

. ما قد هقيت ان اترك العالم ولا سولف واعيف

واجلس على آخر زاويه واعنز بظهري جدار .

. حزين مدري حالتي حاله .. وافكر كيف كيف

اباتطمن كيفك انت بخير ولا ويش صار ؟؟ .

. مستانس وتضحك .. او انك تبكي وقلبك رهيف

الحين فالفندق او انك رايح بوسط القطار .

. باقي على ذاك الامل .. لو مجمل الواقع مخيف

رافع لك الهامه وانا اشعر من فراقك بانكسار .

. في ذمتي إني فاقدك .. و( آبيك ) والخاطر كسيف

لكنني مغصوب في بعدك .. وانا مالي خيار !! .

. يا صاحبي تبغى الحقيقه .. اخذها من دون زيف

يا أما تقبلها ( غلا ) .. ولا تقبلها .. ( مرار ) .

. عز الله ان البعد كنه ضاربا " صدري بسيف

يا مت منه منقتل !! .. يا عشت بضلوعي كسار !! .

اعجبتني ..... وخذوها مني

هديه لكم