قصيدتي في حفل الشيخ بن منيجل

السلام عليكم ورحمه الله وبركاته..

أقدم لكم قصيدتي....في حفل ..الشيخ/ مبارك بن عبد الرحمن المنيجل الجميلي

بمناسبة فوز الأعضاء بمجلس الأمه الكويتي.........وفقهم الله..

جيت أبارك والف مبروك وابدا بالسلام......في محل اللي يعدلون درب المايله

من كبار شيوخ جامل رفيعين المقام......ذكرهم مشهور ماهو بتوي قايله

ربعي اللي باللوازم يشد بها الحزام.....هم هلا الوقفات والفعل واهل الطايله

مرحبا بضيوفنا ياعزيزين الكرام.......عد ريح المسك والطيب للي جايله

تاردون العد لصار بالجو العسام......من بلاد أخوان مريم رجالاً صايله

سعود مع بدر الغريد خذوا درع وسام.....نعم فيهم باللوازم أصطام العايله

ياهلا الميقاف ياللي وصلتوا للمرام.....بالكويت أخباركم من سمعها هايله

بمجلس الأمه صعتوا على حسب النظام....جيتو بوضح النقا والعواذل زايله

قلتها وأنا أبن بسام من قومٍ حشام......شاعرٍ بالصدق والحق ينصع فايله

أختامها مني تحيه وقدرٍ وحترام.....وعن كثير الهرج قدمت أنا صمايله

وسلامتكم..........شاعر المناسبات........سعود البسام..