لعنبوا بعض العجايز اليا منها ولت

ما تحقق بالزمن شي من قل الوفوق
لا اقفت الدنيا بشيٍ نحبه ما اقبلت

اقفت الدنيا بغالي و لي عنده حقوق
و الليالي بيننا بالمحبه ما عدلت

هو على شوفي شفوقٍ و انا مثله شفوق
ودنا مير الليالي تقوت و بخلت

ميسٍ من جيته لي و انا منه امخنوق
كل ما حاولت حيله و عزمت فشلت

ما التفت قلبي و لا فز لاياة امخلوق
و الخطاوي كل ما وجهت له عجلت

كل ما لاحت عيوني من القبله بروق
دق قلبي لين احس الحنايا زلزلت

ما يموت القلب و الحب حي بالعروق
امّرج قلبي من اسباب حبه و انفلت

اشتكي من لوعت البعد و الشوق الخنوق
ما ايست منه المشاعر و لا فيه امّلت

شحت الصدفه و انا خاطري عيا يروق
اتمنى شوفته كل يوم و لا حصلت

و جابته بعض الهواجيس و الغفله تبوق
قلت يا روحي ترا الروح بعدك ما سلت

لو تسولف لك ضلوعي عن طعون الخفوق
كان مبطي دمعه العين هلت و نزلت

لا تغيب و تترك اللي على شوفك يتوق
و سلهم بعينه و زالت همومي و انجلت

قلت سولف لي عن الشوق من كل الطروق
قال شف حالي من الوجد و شلون انحلت


العجايز من وراها سبايب كل عوق
لعنبو بعض العجايز اليا منها ولت


علمن خالي و عمي و زادن الفتوق
قلت من قل التوافيق (صكت و كملت)

عافت الاميّر