قصيدة سليمان عقيل الهويدي البناقي

يسعدني اضع اول مشاركة لي كا هديه لكم اخواني في هذا الملتقى الرائع وهي قصيدة لعمي يرحمه الله ويرحم المسلمين اجمعينالشاعر سليمان عقيل الهويدي البناقي

قصيدة وجها لصاحبه حسن السهلي ارجو انتحوز على رضاكم




كريم يابرق ٍ سرى ياحسن ساق *** بخشوم غر ٍ ملثم ٍدونة طبوق

برقه يشوح لياحسن كل مشتاق *** برق ٍ ورى برق اردف المزن مرفوق

عساه من فرع الابيض لبناق *** ويسقي الحماد ويسقي النفد وعروق

ديم ٍ باثر ديم ٍ تقافى بالاوفاق *** وإخلاف سيله يصبح العشب مفروق

ينبت به الحوذان مختلف الاورا *** القحويان من الزهر لابس ٍ طوق

ترّبع به الفطر كبيرات الاشداق *** ويسمك سنام الفاطر المهزله فوق

وتربع به الهزلات من زمل ونياق *** وطاح العصى من كف ملحق لملحوق

وتلقى نزيل البدو في سايح ٍ لاق *** عشب وغدير ومجنب السوح رقروق

والفقع يجنونه ويجلب للاسواق *** وتسمع مصوت بالزبيدي مع السوق

وتربع ديار اللي لغضى بالارماق *** رمشه على هاك الرمامين مطروق

هافي حشى كنه من الزاد ما ذاق *** والشاهد الله تقل يحرم من الذوق

بكتف ٍ وردف ونهد ومفتل الساق *** وعنقا من البردي على المتن منتوق

وخده لميع مصقل ٍ يشعق اشعاق *** او شمس لابانت من الريع لشروق

والعين عين اللي يفوز للاطلاق *** يكفخ بجنحانه وممسوك بسبوق

وسلامتكم

رحم الله الشاعر

وتسلم يمينك على النقل

وفقك الله وبداية قوية تشكر عليها

ويشرفنا انضمامك معنا في الملتقى

قصيدة جزله بمعانيها وقافيتها من شاعر كبير تميز بجزالة وقوة الشعر رحمه الله رحمة واسعة


سعود الهويدي شكرًا لانتقاءك المميز وبإنتظارك ابداعك

الله يرحـــــــــــــــــم الشاعر
ويعطيك العافيه ع النقل
ننتظر الجديد

رحم الله الشاعر ابو فايز واسكنه الجنه

قصيده جزله والشاعر ابو فايز غني العريف

لاهنت على النقل اخوي سعود

وارحب بك في منتدى الجميل
واتمنى لك طيب الاقامه والفائده منا ومنك

تحيتي لك

صح لسان الشاعر ...

صح لسان الشاعر والله يرحمه رحمة واسعه

وشرفنا وانضمامك معنا وحياك ربي

وبإنتظار جديدك

قصيدة جزلة قافية ومعنى

رحم الله الشاعر سليمان الهويدي

ويعطيك العافية على النقل المميز