أحباب

أقدم هذه القصيدة لأعضاء المنتدى الغالي كمشاركة أخرى لي في هذا الموقع الجميل لقبيلة الجميل

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هـلا بـاللي رغـم بـعده قـريب والـقلوب أحـباب=تـــجــدد ذكــريــاتـه دورة الــــدم بـشـرايـيـني

تـراه الـلي دخـل قلبي رغم سور حصين وباب=يـبي يـبقى مـلك قـلبي وسـيد الـناس في عيني

أحـبه لـيه ؟ لا تـسأل .. أحـبه دون ذكر اسباب=أحــبـه مـــن زمــان وعـلـته بـالـقلب تـكـفيني

أنـا لاجـله حضر شعري وإذا سجيت عنه غاب=ولـونـي مـا بـغيت أنـظم بـيوتي جـت تـناديني

هـو أول من سرى بافكار ليلي بالقصيد وجاب=ونـظمت بـوصفه أجـمل مـا كتبته في دواويني

يـجـيني كـلما الـذكرى تـطري رجـعة الأغـراب=وإذا طــوّل عـلـي الـلـيل جــاء طـيفه يـسريني

وإذا شـفـته عـيوني مـا تـلاقت بـينها الأهـداب=وعـقب شـوفه عـيون الناس ما ودي تراعيني

أنا أدري به درى كيف المشاعر تذبح اللي ذاب=عـلـى جـمـر الـغـلا وهْــو يـتـلذذ يـوم تـكويني

يسليني لا شاف الجرح في داخل خفوقي شاب=وبـقـايا جـرحـه لـيـا غــاب فـي قـلبي تـسليني

ولـو يقرب نكون أحباب وان يبعد بقينا أحباب=وكـيـف أنـسـى غــلاه ودورة الــدم بـشـراييني[/poem]

الشاعر / aljmeeli