تاج راسي

بسم الله الرحمن الرحيم

هذه القصيدة قلتها في والدي الشيخ : مطلق بن سلطان المهدي - أطال الله في عمره -

[poem=font="traditional arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ابتدي قولي بذكر الله عظيم الشاني = واحمده واشكره وابدا به كلام كله
بعد ذكر الله أسمي واخزي الشيطاني = واتعوذ منه واجنب طريق شلله
قال أديب لا قصد بيته يجي ملياني = حافظة عن كل نقص ولا يجي به زله
أتنقى بالمثايل وابدع القيفاني = واخذ الجزلة وما عاب القصيد أفطن له
تو صار الشعر له معنى وله عنواني = يوم قلته بالذي شوفه يزيل العله
سيدي هو تاج راسي من ولد عدناني = ذاك أبوي ويا عساني دايم ذخر له
جاب لي ما أبيه لو بغالي الأثماني = ما حسب لجلي كثير المال وإلا قله
بالشريعة والسلوم الطيبة رباني = اتبع نهج النبوة واستظل بظله
ما أقدر أرد الجزاء له لين أطب أكفاني = واعسى عمره طويل ويستجيب لْيَ الله
أبو فايز فرحة المضيوم لا جاء عاني = مجلسه مفتوح كل يعرفه ويدله
كاسب كل المراجل مكرم الضيفاني = والعلوم الطيبة من خلقته طبع له
الكريم اللي ورث طيبه من الجداني = والردى ما عرْف من يمه طريق لله
الرحم والحق والشيمة وحسن إيماني = والمعزة وأحسن أخلاق البشر بسجله
أطلب الله وأسأله يجزاه بالإحساني = ينور دروبه على دينه ونهج المله
ويحفظة من كل شر ولاهب النيراني=ويجلعه في جنة الفردوس بأول ثله
نسل قوم سطروا مجد بوقت فاني = عايشين بعز ما يمشون درب الذله
مْهدي راع الفعايل وأسأل الميداني = كم صبي من يمينه بالملاقا عله
الأمير اللي على دربه مشى الشجعاني= أخوان سلمى لا بغاهم كلهم عون له
للكرم شيد قصور وعمر البنياني = ذاع صيته بالشجاعة والكرم رمز له
واذكر الشيخ الشجاع مورد الظمياني = راعي النخوة ليا شان الصديق بخله
ذاك أبو مسلط رفع ضد العدا لوطاني = بيرق فهود الزراج مبهرين الدلة
والختم صلوا على من علم الإنساني = للسماحة والعدل والخير جابه كله
[/poem]

أبو مسلط : هو الشيخ / خلف المهدي

ماشاء الله تبارك على هذا الابداع

وعسى أن تكون هذه الابيات الجميلة تسجل في موازين برك بوالديك

ويقول الرسول صلى الله عليه وسلم
( والوالد أوسط أبواب الجنة إن فحافظ وإن شئت فضيع )

ذاك أبوي ويا عساني دايم ذخـر لـه

آآآآمين ونسأل الله البر بالآباء والأمهات

اقتباس المشاركة الأصلية كتبت بواسطة ابوناصر ماشاء الله تبارك على هذا الابداع وعسى أن تكون هذه الابيات الجميلة تسجل في موازين برك بوالديك ويقول الرسول صلى الله عليه وسلم ( والوالد أوسط أبواب الجنة إن فحافظ وإن شئت فضيع ) ذاك أبوي ويا عساني دايم ذخـر لـه آآآآمين ونسأل الله البر بالآباء والأمهات

شرفني مرورك أبا ناصر

ونسأل الله أن يجعلنا من البارين بوالدينا

وأن يجعلنا من المجاهدين فيهم

بالشريعة والسلـوم الطيبـة ربانـي
اتبع نهـج النبـوة واستظـل بظلـه



ونعم المربي والمربى وجعلها الله في ميزان عملك

وقصيدة رائعة من شاعر رائع....صح لسانك

اقتباس المشاركة الأصلية كتبت بواسطة سعدالجميلي بالشريعة والسلـوم الطيبـة ربانـي اتبع نهـج النبـوة واستظـل بظلـه ونعم المربي والمربى وجعلها الله في ميزان عملك وقصيدة رائعة من شاعر رائع....صح لسانك

ما عليك زود أبا مروي

وأنت المعلم

أشكر لك مرورك

صح لسانك اخوي امين الجلس قصيدة جميلة جدا وطال الله
عمر والدك

اقتباس المشاركة الأصلية كتبت بواسطة فهدالمويهي صح لسانك اخوي امين الجلس قصيدة جميلة جدا وطال الله عمر والدك

صح بدنك

الأجمل حضورك يا فهد

صح لسانك
والنعم بأبو فايز ..
وافي ومن قومن وافين .
الله يجزاك خير على هالقصيدة الجزله .
السهل الممتع