ياطول صبري ....للشاعر حمدان المرى

[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] ياطول صبري عليه ومطول المـده = والنفـس مابـيـن مـأمـوره ومنهـيـه
الحب والشوق والضيقات والصده = حطت على وجهي المقبول ماريـه
احدٍ زهاله سـواد الخـال فـي خـده = وحـدٍ بقلبـه مـن همـوم الدهـر كيـه
يقفيبه الشـك صـوب اللـوم ويـرده = واذا رجع مالقـى الا رسـم آثاريـه
وتزيـد بـه ضيقـت العشـاق وتهـده = ويبكي علـى حاجـةٍ ماهـي بمبكيـه
يزل.... وقول يمكـن ..ماهـو بـوده = غلطـه ويمكـن علـى ماقيـل عفويـه
حتى ولـو قالهـا قاصـد ومـن جـده = يشفع لحاضر غرامه زين ماضيـه
اعشـقـه وأشتاقـلـه وهــواه و أوده = ومـن الغـلا نسبـة المليـون فالمـيـه
اللـد عينـي لاكـن ماهـي بمـن لــده = هـو اول الحـب فـي عينـي وتاليـه
وغـر قلبـي علـى النسيـان وآحــده = لاشـك عـيـا مــن النسـيـان مولـيـه
عزي لحـالٍ علـى فرقـاه مـن حـده = وعـزي لقلـبٍ الا مـن حـل طاريـه
يتوق توق الوحش في كف من هده = لا طار مالـد عينـه صـوب راعيـه
ياشيـن فرقـا الــذي تغلـيـه وتــوده = لاصـار حـيٍ ولا تقـدر علـى جيـه
ياجعل ربي يصبرنـي علـى الشـده = لـيــن مايجـتـمـع غـالــي وغـالـيـه
لو طال صبري عليه وطالت المده = ياحـي شوفـه قبـل لا مـوت ياحيـه[/poem]

عــزي لـحـالٍ عـلـى فـرقــاه مـــن حـــده
وعـــزي لـقـلـبٍ الا مـــن حـــل طــاريــه
**
يتوق توق الوحش في كف من هده
لا طــار مـالــد عـيـنـه صـــوب راعـيــه

أبدعت بما نقلت

تحيتي

قصيدهـ تحمل من المعاني الكثيرهـ

لله درك اخي جمعه البناقي وصح السسسانك

يعلم الله من اعجابي لها قريتها اكثر من مره ولم اكتفي بها

قصيده جزله من شششاعر جزل


ارق واحلى تحيه لك

بارك الله بمن مر وقرأ
لي تنويه لاخي القناص القصيدة من النقل ليست لي

بصراحه من اروع ما قرأت
مشكور يابو مزون على النقل

حياك الله اخي وعزيزي ابن رشيد

لله درك من ناااااااااقل تختار النادر فانت ناااااادر

يتوق توق الوحش في كف من هده****** لا طار مالد عينه صـوب راعيـه

[align=center]
احسنت الاختياروالنقل ....سلمت يمينك.
[/align]