ياطير ( حسين سعدون النصافي )

يــــــــــــــا طير

الشاعر : حسين سعدون النصافي


[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يــا هل الصقاره كيف تصريف الأيـام = كــان الـزمـان الشيــن كشـّـر سنــونــه
نحيـا علـى الذكـرى القديمة والأحـلام = وقـت ٍ مـع المقـفيـن قفـّت ضعـونــه
دار الفـلك لمـربـيــة بيـض الأغنــام = جـف المطـر والقشـع يبـست غصـونـه
عـزّام يشكـي لـي وأنـا أشكـي لعـزّام = لا قـلـت كيـف الحـال قــال المعـونــه
كنـه يخــاطبني علـى روس الأقـلام = أنـا أفهــمـه والنــاس مـا يـفهـمـونــه
قـال العشـى قلت العشـى قرص وإيـدام = أمـا حصـل خـــرب ٍ تـوامـا ردونــه
رزقـك علـى اللي كـافـل ٍ رزق الأيتـام = الـواحــد الـلـي مــا تـغمّـض عيـونـه
لـو مـا غـلاك محطـم ٍ بعض الأرقــام = عنـدي وبـاق النــاس كـل ٍ وشــونــه
مـا تعب على شـانـك مسـاري ومجهـام = قبـل المطـوّع يشتـغــل مـكـرفـونـه
وقـت الفـجـور معـدي ٍ بـم الأرجـام = والكسـر تـسبـرني طـوارف ركـونــه
عيني علـى الجـرة ورى فتـحـت ألجــام = أحـرص من اللي نظرتـه ما تخـونــه
آخـذ مـع الهـاجـس تفـاكيــر وأوهــام = الصبـر غـلـّـق مـا دري ويـش لـونــه
بـذلـت مجـهــودي وحفـي ٍ الأقــدام = والطيـر مثـلـي قـام يـرخي متـونــه
يـا طيـر لـو سجنـك مثـل سجـن صـدّام = قـلنـا بحـكمـت نـاس ٍِ مـا يـرحمـونــه
أصبـر على الشـده مثـل صبـرك العــام = ولابـــد لـلــديـّـان يــوفـي ديــونـه
بـاب الفـرج مفتــوح والــدرب قــدّام = وراع الـرجـاء مـا سكـر البـاب دونـه
العبــد مجـبــور ٍ بتـنـفـيـذ الأحكــام = كـان الـزمـان الشيـن كشـّـر سنـونــه
[/poem]

قصيدة جدا رائعة من شاعر جزل وغني عن التعريف

تسلم على النقل

قصيدة جميله من شاعر جزل
والي منزلها اجمل وتسلم يديه
وحنا فداك يابو عبد الرحمن

صح لسان الشاعر الكبير حسين السعدون


وتسلم يمينك على النقل

صح لسان الشاعر الكبير حسين السعدون


وتسلم يمينك على النقل

</i>

قصيده جـــزله

من شـــاعر جـــزل

وتسلم يمينك على النقل

قـصيـده جـدآً جميـله تسـلم يميـنك عـلى النـقـل

صح لسان الشاعر .. وسلمت اناملك على النقل