محاوره بين الشاعر احمد جابر و مطر الطرقي

احمد جابر

تحفظ الاسرار بين الناس و يحافظ عليها
سترها هيبه ترى واهمالها عيب ومضره

الثمينه مااا تطيح اسعاااارها لو تشتريها
من قبل ياصاحبي لاتحسب نجوم المجره

مطرالطرقي

كل واحد في شؤنه والمراجل تعتبيها
وصل علمك سر طرقك قبل يسر الليل سره

من دخل بالسوق ياخذ سلعت ن له ينتقيها
والبضاعه ما تخسر دامها نقدن وحره

احمد جااابر

العلوم الطيبه يااا رجل كل" يشتهيها
مير هذا الوقت خيره يامطر حاديه شره

انت تاجر يابن طرقي والمواقف تحتميها
وابن جابر مااا يغرك لو تحاااول ما تغره

مطر الطرقي

حي علمك حي شوفك كلمت ن لو مانبيها
كلمت ن قد قلتها وعيدها مره ومره

كل علم ن فيه لنه كل قوم من حكيها
مانجيبه ي ابن جابر كل بحر ن فيه دره

احمد الجابر

ما عليكم زود يالاجواد من راحة يديها
كلمتي ماضاع لي منها ولو مثقال ذرة

العرب يااا صاااحبي لاا تبتليك و تبتليها
الملا عارف ترى بحره يابن طرقي وبره

مطرالطرقي

دام لك قدر ومكانه لحية ن مع شاربيها
لو تجي فوق اللحا بحماه والشارب مقره

المراجل ما تخادن بالمراجل وتهجيها
سدد الديان حاضر لو ماجاء موعده غره

احمد جابر

صفحة كتاابك تشرفنا وبصمااتك نزيها
قالها اللي كلمته بين العرب لاجات ذره

الرجل لاااا عاش يومه مااا يعيش سنين تيها
صر علمي وسط صدرك ياوسيع العرف صره

مطرالطرقي

موفين حق القبيله من ذكرها مانسيها
من جهل تاريخ مجدك افتح اكتابك وقره


صح الله لسانك وصح الله ابدانك

مرور وشكر لك على التوثيق ... تقبل تحياتي مع شكري