على وضح النقا

على وضح النقا نمشي وناخذ حقنا مضمون
ولانرضى المذلة دايمٍ نرقى على القمه

ويبقى علمنا غانم بإذن رب الملا والكون
ولو حاول يدنسه الردي بالكذب والنمه

ولا ننسب لنا فعلٍ يجي به شك وإلا ظنون
سند واضح يقوله ثبْت يجري الصدق في دمه

وإذا شفنا الخطا بيّن وبه ناسٍ غدوا يسعون
نقول الحق مانخشى به اللايم ولا نطمه

ولا تاخذ كلام اللي بتكذيب العرب مفتون
ولوك تكرمه لابد ما ينكر ولد عمه

ماهمه غير نفسه والعرب في نيته يدرون
سعى في مصلحة نفسه وهم الناس ما همه

يبين الحقد لو إنه بقى مدة وهو مدفون
وفرخ الحيّة الرقطا نقل في داخله سمه

ابشجب كل فعلٍ شابه لفعل الغبي شارون
نسى القايد صلاح وفعلته يوم أنقذ الأمه

غضب موسى ولكنه تحلى بالصبر هارون
حكيمٍ واحتوى الموقف وذكره بحليب أمه

قليل اللي يعرف الحق ويميز خطا المجنون
وكثير اللي بغى اليمّة ولكن ضيع اليمه

رجال بلا أمانة في زمانٍ ما أحْكمه قانون
يضيع الحق بالباطل وبعيون البشر غُمه

شتات نحاول إنا نجمعه والناس يختلفون
وراع النية السودا يشتت كل ما نلمه

ألا يالعاقل احذر من بليس المفتن الملعون
ترفّق بالعباد ولا تطاوع هافي الذمه

ترى مابه رديٍ غير من يرضى الردى والهون
ولا خير برجل يبدي طريق الحق ما يتمه

ما دام إنك على دربٍ صحيح وتعرف المضمون
توكل بالله وخل الحسود يبات في غمه

#خلف_المهدي

ولا ننسب لنـا فعـلٍ يجـي بـه شـك وإلا ظنـون

سند واضح يقوله ثبْت يجري الصـدق فـي دمـه

وإذا شفنا الخطا بيّن وبه ناسٍ غدوا يسعـون

نـقـول الـحـق مانـخـشـى بـــه الـلايــم ولا نـطـمـه

صح لسانك وعلا شانك


قصيدة جميلة من شاعر جزل . وفقك الله

صح بدنك يا أبو فهد

وما عليك زود

صح لسانك ابوسلطان


قصيدة مميزة

اقتباس المشاركة الأصلية كتبت بواسطة ابو راشد بن بشيت صح لسانك ابوسلطان قصيدة مميزة

صح بدنك أبا راشد

والتميز في حضورك

صــــــــــــــــــــــح لسانك

ابوسلطان شاعر جزل

اقتباس المشاركة الأصلية كتبت بواسطة الفني صــــــــــــــــــــــح لسانك ابوسلطان شاعر جزل

صح بدنك أبا بدر

ومرورك سرني

مهما طال الزمن ومهما كثر الحساد ومهما كثر القيل والقال
ومهما تكاتفوا بعيون متوالفه وقلوب متخالفه
سينكشف الغطاء وتبين الخوافي
ولن يصح إلا الصحيح
واشهد ياتأريخ

ابوسلطان ستبقى نبراسا للحق .... مثالا للصدق

في زمن قلبت فيه الحقائق وانقلبت فيه الموازين

بارك الله فيك ..... وصح لسانك