يوم أتذكر

احدى قصائد الشاعر بداع العبلان


يوم أتذكر

[poem=font="simplified arabic,6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] سر يارسولي مادام مشاغلي غافي =من شاعرٍ ما استلف من غيره ابياته
مما بجاشه يعاف فراشـه الدافي =ما مر ليل وتقاصر طول ساعاته
عز الله ان صحيحٍ ان قول الاسلافي =يستقصدك من حذف حولك بخطلاته
لا صار ما الرجل بين هرجه وضافي =وش يقنع الناس في مقصود نياته
في مثل ما هو يشوف الناس ينشافي= واسكاته اهون عليها من محاكاته
وما اقشر من الزلّه ليا جت من سنافي=لا صرت تغليـه واخلف فيك هقواته
ما جور يوم اتذكَر وانظر خلافي =ليت ان كل اوّلٍ ينبي عن اتلاته
يا عايفي ما انت مجبور على اولافي=ماني اللي مناسبك سلمه وعاداته
ماني دنيٍّ على العقبات مهرافي =اللي هدف عشرته مقضات حاجاته
إن ما كواك بكلامٍ يبحث الخافي =ملّك بتنغيص منًاته بـمنّاته
أن قلت يفدى اثري وانا مني حافي=ماهو بـكفوٍ باثر رجلي مفاداته
حيث إن شرواي رجل لا وعد يافي=ما شطّر لسانه بـمزحه وضحكاته
كم طارفٍ وده تدنيسة اطرافي = لاشك ماهي على كيفه ومشهاته
حاسدني انه يشوف دروبي انظافي=لين اجهدت عفّتي حيله وحيلاته
إن شك وأن ما استشك اوصافي اوصافي=واشرف من انه ينجّسها بشكاته
هذا وكانه خفاك اللي ماهو خافي =الرجل يكفيك عن هرجه مخاواته
أن كان ما فات عن عرفي ماهو كافي=شرواي عن عرفتك يكفيـه ما فاته
والجرح وانا خوي الصّبر متشافي=لو ماله اسباب تعجّل مشافاته
ان ما تشرّفت في فعلي وميقافي=ما احدٍ مشرّفي بـفعلـه وقفاته
كم واحدٍ ينمدح ذكره وينظافي =ولو اني اسمع به افضل من ملاقاته
وليا جفاني صحيبي والدّهر رجافي=ما ني بـصدّي سريعٍ في مجازاته
لو ان ظلمي له اعد لّه من انصافي=لي حلم ينزه عن مجازاه بسواته
اوالفه في فؤادٍ بالوفى دافى =واقطّع ايامي برجوى مهاداته
ان اعتذر فالعذر كافي عن مكافي=وان ما اعتذر فالخطا عذر لمجفاته
لاصار قدري بصدره مظلمٍ طافي =ابعدت طاريه عن فكري وسجّاته
من خلقة الناس ما للطيب مصافي= وادنى حسانيه تمحي كل سياته
والآدمي لا خلقه الله متعافي =يحمد ربه على منّة معافاته[/poem]



أتمنى بأن تحوز على رضاكم

يالطيف صح لسان الشاعر
مشكووووووووووور

ياشبيه الريـــــــــــــــــــــــــح

لو ان ظلمي له اعد لّه من انصافي
الله وأكبر
تسلم اياديك اختيار موفق وصح لسان شاعرنا

شكــ بأرك ألله فيك ــرآ

بارك الله فيك ...

اقتباس حاسدني انه يشوف دروبي انظافي***** لين اجهدت عفّتي حيله وحيلاته إن شك وأن ما استشك اوصافي اوصافي***** واشرف من انه ينجّسها بشكاته

صح لسان شاعرنا القدير ... بداح العبلان

تسلم على النقل

صح لسان الشاعر الكبير

قصيدة مميزة

ونقل مميز من شبيه الريح

يعطيك العافيه