( سـيف الـغـلآ )

الله لآيضركم










آسمحولي بـ قصيده
لآهنتوا

[poem=font=",6,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
من شاف وجهي قال وشـفيـك امغبـون=واجاملـه واصــدّ واخـفـيّ بــلاي
سيف الغلآ يضرب على كل الركون=وشـفيك (يابن سنيد) ماتضحـك معـاي
واضيعّ الموضوع .. عن لفـت العيـون=وأعانق الآوهـام عـن ضحكـة عـداي
مابيـح لـه سـدّي ولا هـم يحزنـون=من شان مايطمع .. وتقزر .. من خطاي
ماكل من ينشـدّ عـن الخافـي يمـون=ولاكل مـن فتـشّ تواجـه مـع خفـاي
فـي ذالزمـن ياكثـر مخلفـة الظنـون=آنعدمت الخـوّه وانـا قاضـب سحـاي
كـلٍ لحالـه كـن مـاهـم يسمـعـون=ياجعلهم لـو ضاقـت الدنيـا .. فـداي
آيامـي البيضـا علـى حـد السـنـون=شف من يناشبني على كسـرة عصـاي
إيه آنت( ياخاطر) علـى شانـه يهـون=ثلثين وضعي من غداي ومـن عشـاي
شرهين قبلـي مـن هواهـم يشتكـون=ماتاقف الدنيا علـى ( بسمـة) شفـاي
تعبت من نار .. المحبـه .. والشجـون=وأخذت .. قسمي .. لين بادرني حشـاي
حان (الوداع) وخافقـي عنـده زبـون=إليـا متـى مكسـور وادورّ رضــاي
خلاص .. واسمحلي .. مع اللي يفرحون=بشيـدّ ابيوتـي علـى جبهـة شقـاي
ماعاد يمدي في هـوى الغـض الفتـون=حظيّ .. جحدني .. لين ضيعّ لي هـواي
آيسـتّ منـه ليـن طلـعّ لـي اقـرون=ونفسـي غلبهـا داي واستاحـش دواي
القلب .. من قوّ الخبر صار امعجـون=لكـن ابدعـي ليـن ياتينـي جــزاي
يارب كـل اثنيـن فـالحـب يعرسـون=وياليت من يسمع يصادقنـي (دعـاي)
مانـي بميـتّ بعـد قفـنّ الضـعـون=الله يسمـحّ دربـهـا .. والله مـعـاي
.. له منيّ .. أغامر على حـد الجنـون=.. ولي منه .. آنه ماينزّل مـن غـلاي
(حتيّش) ون عشـت المقابيـل امغبـون=والله لــو امــوت مـاطـالـع وراي
[/poem]

ولاخـلآ ولا عـدم




أخوكم / عبدالله ماجد بن سنيـد

الشاعر عبدالله الماجدي ..... صح لسا نك
والله يعينك على سيف الغلا وضرباته الموجعه
ابيات نابعة من قلب صادق وفي ... وضمير مخلص نقي
يصور فيها حالته بين الرجا واليأس
بعين العطف وهامة الاعتزاز والشموخ
باسلوب شعري مميز
الله يحقق لك ماتريد

الشاعر عبدالله الماجدي ..... صح لسا نك

صح لساانك اخوي عبدالله


قصيدة جزلة من شاعر كبير غني عن التعريف

قصيده جزله من شاعر جزل

صح لسانك وتسم يمينك على النقل

والله يعلم بالحال ...........

قصيدة من جمالها تعانق النجوم

لله درك

ولا تحرمنا من همسك النابض

صح لسانك الماجدي