حاولي تفهميني

وش رايكم بالغزل العذري العفيف .... قديم جداً
هذه القصيده اخذت مساحه كبيره مع برواز واشكال جميله بجريدة اليوم ((قبل ظهور القنوات الفضائية)) زاوية في وهجير تاريخ 27/12/1426هـ
ابي أرائكم وانطباعكم تجاه القصيده



[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ما أخطيت يا اللي بالخطا تبتليني=لو كنت مخطي ..قلت لك فعلا أخطيت
كان الخطا فيني وفاي .. أعذريني=لو كنت أحَسب أنّ الوفا ذنب ..ما جيت
كلي وفا وأصل الوفا دوم فيني=ما قلتها لك دون فعل وتعدّيت
ما اقول غير اللي تطـُوله يديني=وأحاسب أقدامي ليا من تخطـّيت
بإسم التواضع عشت ماضي سنيني=لا جا الخطا من غيري اغضيت وأعفيت
لي عزتي من قبل لا تعرفيني=من دلـّة دروب المراجل تقهويت
أشري غلا اللي بالهوى يشتريني=وأفوز لا مني حكيت وتحدّيت
ومن حَبـّني دايم مكانه بعيني=وله في خفوقي بالغلا ديره وبيت
هذا الصحيح وحاولي تفهميني=تراي لا منـّي تكدّرت غنـّيت[/poem]

صح لسانك

قصيدة في قمة الروعة

صح لسانك ياشاعرنا الرائع

فعلا قصيدة غزلية جزله

وفالك اللي تتمناه



ولك مني التحيه

صح لسانك وافي و وفي
قصيدة رائعه

لـي عزتـي مـن قبـل لا تعرفينـي
.............................مـن دلّـة دروب المراجـل تقهويـت


فواز اعترف؟؟؟؟؟؟ لاتخاف هذه قبل الزواج اوبعده..


لاكنتبي الصحيح حنا محظوظين بعودتك للمنتدى بقوة

صح لسانك شاعرنا فواز



قصيدة روعه

اقتباس المشاركة الأصلية كتبت بواسطة سعدالجميلي لـي عزتـي مـن قبـل لا تعرفينـي .............................مـن دلّـة دروب المراجـل تقهويـت فواز اعترف؟؟؟؟؟؟ لاتخاف هذه قبل الزواج اوبعده.. لاكنتبي الصحيح حنا محظوظين بعودتك للمنتدى بقوة

مرورك وتعليقك دافع لمواصلة الابداع
تحياااتي ياشاعرنا

اقتباس المشاركة الأصلية كتبت بواسطة محمد الماجدي صح لسانك وافي و وفي قصيدة رائعه

مرورك اضاف جمال للقصيدة