صكت امواجه

ان طاب جرح الزمن جرح الغلا باقي @@ يفداك بحرالشعر لاصكت امواجه

عاى كثر مارجيت الوصل بفراقي @@ اصبحت مثل السجين وطول افراجه

سجين جرح الغلا وان صحت بعتاقي @@ توقف طواريك دون القلب واخراجه

بكاك كل القصيد بزحمة اوراقي @@ شاعرك عيت تشيل ابياته ادراجه

شاب الصبر والغياب اكبر من اعناقي @@ ياشين وجه الزمن لاكشر احجاجه

من عادة الوقت لضحكات سراقي @@ والناس منها مقيم وناس دواجه

من وين ماروح كلك تسكن اعماقي @@ والعين لك لو بنظره حيل محتاجه

وجه الشقا لوخذا من صمتك طراقي @@ ماهز ريح الغياب العشق وابراجه

تعال واقلط غلا في عين مشتاقي @@ ابوك لولا الامل مال العمر حاجه

على كبر هالفضاء في غيبتك ضاقي @@ عطني قبل ماانتهي من وقتك مواجه

جرح الزمن والغلا والعشق واشواقي @@ ماحدن على غيبتك حصل له علاجه