قصة ساجرالرفدي مع ضيفه

هذه القصة حدثت مع الشيخ ساجر الرفدي من قبيلة عنزه

الشيخ ساجر الرفدي شجاع و المعروف لا يعرف و هو من قبيلة عنزه جاه ضيف اسمه خليف
و حكاله قصته و شكاله قال انا شدوا جماعتي عني و خلوني و جلست انا و والدتي
قال الشيخ ساجر رح وجب والدتك و بيتك و تعال اسكن عندي ربي يحييك

واللي تبيه اعطيك

راح و جاب والدته و بيته و جاور الشيخ ساجر و اكرمه

و في يوم من الايام طلع الشيخ ساجر للقنص و قاله يا خليف ابي اقنص تعال معي
رد عليه خليف قال ابشر ياشيخ خير ان شاء الله

راحوا يقنصون و كان مع الشيخ ساجر صقر اسمه حطاب و سلوقي اسمه خطاف أثناء القنص

شافوا صيدتهم و هدوا الطير لكن خليف صوب و جت بالطير و مات

تضايق الشيخ ساجرالمهم كملوا الصيد

و يظهر ارنب و يهدون السلوقي
و يصوب بكل عجله انت يا خليف و يموت السلوقي

و كل هذه يبي يصيد خليف بندقه على نيته ابن الحلال
قال الشيخ ياخليف رجعنا لاهلنا
رجعوا لبيوتهم و وقتهم في رمضان جاء الشيخ يصلح قهوته

و الا ما فيه غير طبخه وحده من القهوه و الهيل صلح القهوه و اركاها على جنب النار

و كان الشيخ يشرب سبيل التتن اللي يحطونه بالعظم
سوى له سبيل و حطه ينتظر وقت الغروب حتى يشربه

خليف راح لوآلدته و حكى لها القصه اللي صارت معهم
قالت الام ترى الشيخ طيب رح يمه و حب على رأسه و تسامح منه عن اللي سويته

جاك خليف يبي يحب رأس الشيخ

و كان ثوبه طويل و قشع الدله و كان وقت الفطور في شهر رمضان
المهم استحى و رجع و هو يدوس السبيل له مكسره

قال ساجر الرفدي :

البارحـه بالليـل عـزًي لحالـي
قضيت انا ليلي حزيـن و محتـار

مصيـبـةِ ماشفتـهـا باليـالـي
يا تقل يوهج بالضماير لهب نـار

مصايب جنـي مـن اول و تالـي
اربع مصايب لوعني مـن الجـار

الأولـه حطـاب يعـادل عيالـي
اشقر عديم و لأبرق الريش نثـار

و الثانيه خطـاف مالـه مثالـي
شره على تيس الجميله اليا ثـار

و الثاله سويـت بصغـر دلالـي
و قصرتها و فاحت علي بن و بهار

و الرابعه بالعظم تتـن الشمالـي
و افلست منهن حين حزات الأفطار

ياليت جتني قوم و افنـت حلالـي
و اصبر على مر الليالي و الأعزار

ما شفت مثل خليف قليل و وآلـي
من خلقت البدوان ما مثلها صـار

م
ن
ق
و
ل