المقلب الحادي عشر (يوه الله ياخذ شيطانك).

أهلا بكم
يااخوان




في برنامج



(مقالب ابوراشد)



حياكم الله



معكم مذيعكم



ابو راشد







اليوم



انتم على موعد



مع مقلبنا الحادي عشر



والذي هو بعنوان



(يوه الله ياخذ شيطانك)

مأخوذ من كلام الضحية

اللي طيّر النوم عنه

المحقق

الملثم

اللي هو

مشرفنا
.

.

.

.

.

.

.

.

.

.

.

.

.

.

.

.

.

.

.

.

.



هاني الثنيان





بسم الله نبدأ
.........


السلام عليكم ورحمة الله وبركاته
الحمدلله على السلامة
عمرة مقبولة
اخوي هاني ودي اناقشك في موضوع خاص بيني وبينك
وانا متردد كثير اني اكلمك عنه
لايدري احد اهم شي الادارة خلف وابوعبدالرحمن لايدرون
لانه موضوع يخصني انا وياك
وبن منيجل اهم شي لايدري بالله عليك
وكنت ودي اراسلك من اول لكن اشوفك غير متواجد
وسألت عنك قالوا انك رايح عمرة
وصراحة ان بالي منشغل
اذا كنت فاضي وتقدر تراسلني بعد التراويح مباشرة
ومثل ما قلت لك
سربينا
انتظرردك
....
وعليكم السلام ورحمة الله وبركاته
الله يقبل منا ومنك صالح الاعمال
ابوراشد اللي تبيه يصير وان شاء الله
بيني وبينك
واذا انت فاضي الحين راسلني هذا ايميلي
J.TA2010@HOTMAIL.COM

انتظرك
.....
هاني انا ما عندي ايميل لكن راسلني على الرسايل الخاصة




الله يبقيك
انا اشوف المراسلة افضل
صراحة ما ادري وش اقول لك
لكن ياخي جاني واحد من الاعضاءوقال لي كلام ماينقال
وقال لي لاتقول لهاني
وان ما قدرت اصبر واتحمل قلت لازم افاتح هاني بالموضوع

ليش ياهاني انا وش سويت لك على شان تكلم منوراي
ما استحقها منك

مع ان الرجال يحلف واعرفه زين مايكذب
واذا اللي حصل صحيح انا راح اترك الملتقى من بكرة واسحب نفسي
بس بالله خلف لايدري بانسحابي
وانا ما اقدر اكلمك ولااقدر اقول لك من هوالرجال
وخله بينا سر
انتظر ردك
........
اللهم إني صايم ابوراشد تبي تلعب علّي الصبح الله يهديك بس

وإذا انت صادق احلف لي بس واصدقك والرجال اللي تقول مابي اعرفه
خله مستور والكلام اللي قاللك من اي ناحيه
.............
اولا لعلمك تدري اني مأخر نومي على شان اراسلك
وآخرتها تقول تلعب علي الصبح

الله يسامحك
طيب وش بيني وبينك على شان اكذب عليك
ولا اقدر اقولك من هو الرجال لأنه قريب لك حيل
وقال لي بالحرف الواحد
ان هاني يقول ان ابوراشد مايستحق يصير مشرف
وكلام ثاني ماينقال وماهو واحد اثنين اللي قالوا لي
كلهم يعني يكذبون
مع العلم ان الرجال يحرم ويطلق وهو صايم
طيب ودي اعرف!!وش مصلحتهم يقولون هالكلام
وتراي مسامحك عن كل اللي قلت عني
والملتقى ماراح ادخله بسبب هالسالفة
ولاتقول لأحد اني انسحبت
على شان ماتصير شوشرة بين الشباب
.............
ابو راشد
أسألك بالله انت صادق؟

...........
ياخي وش مصلحتي اكذب عليك
وانتظرك من العمرة على شان افاتحك بالموضوع
ويمكن انك قلت هالكلام وانت ناسي!
تذكر زين
المشكلة ان الرجال يحلف
طيب انا ابعرف وش فيها اذا صرت انا مشرف!!!
والكلام الثاني صراحة استحي حتى انا اقوله لك
الملتقى اللي فيه هالسوالف والنقنقه
انا ما ابيه ولا ني داخله مرة
ومثل ماقلت لك
اهم شي الادارة لاتدري بانسحابي
ابطلع بسكوت بدون شوشرة
وسلطان المنيجل لايدري بعد
وتراي مبايحك عن كل شي قلته عني
.............


بعدالفاصل نجيكم