نطيت رجم ( فهيد الباطح ) - حصري لشبكة الجميل

هذه القصيدة للشاعر الكبير : فهيد بن باطح بن صايد الجميلي - وهي حصرية على موقع قبيلة الجميل الهلالية الرسمي

والقصيدة صوت وكتابة.


http://www.youtube.com/watch?v=PEl5ydI2JGI



[poem=font=",6,gray,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
نطيت رجم هيض البال مرقبه = في راس عيطا والهبوب سكون
يبرح لك القاع البعيدة عن الغبا = وكل المراقب عنه تطمن دون
له قلت يا رجم الشقا مرقب العنا = ما شفت سلفان وجتك ظعون
يقول أنا هذا مكاني إلى الأبد = شاهدت لي أجيال فنت وقرون
يا ما شفت من سود الليالي وبيضها = وهبايب تذري وغر مزون
ويا ما شفت من سرب الجوازي رتع = وسباع الوحوش اللي علي يرقون
كان أنت مذهب نشّد اللي على الوطا = حط الخبر بلكن إنهم يوحون
ويجزيك عن علمي رسوم تغيرت = ولا كل من عطيوا خبر يلقون
ذكر علي اللي مضى من جوارحي = ووضح لي المعنى على المكنون
وذكر لي أيام مضت حزة الجهل = من المر والحالي شربت حفون
ليا غنت الورقى تسمعت صوتها = مدري طرب وإلا تجر لحون
وتزود لي العبرات في خافي الحشا = وأكنها خاف الملا يدرون
أسباب الهوى لا بارك الله بالهوى = راعيه لا صاحي ولا مجنون
يدهور بغرات كفى الله شرها = يسوقك وله بالمشكلات غصون
يا زين لذاته ويا شين لوعته = عقب الطرب لا بد ما تبكون
نصبر لا مضى اللي مضى واللي مضى ما يفيدنا = نتوجد على ولف رجاه ظنون
نصبر لشهوات النفس بالجوع والعطش = بأيام يومن الصميل شنون
[/poem]