قصيدة ضياع الطير

هذه القصيد التي فازت بالمركز الاول في مهرجان ابو ظبي عام 2004 م ، للشاعر / مطلق الحريجي


[poem=font="Traditional Arabic,6,blue,bold,normal" bkcolor="transparent" bkimage="" border="ridge,4,orangered" type=2 line=1 align=center use=ex num="0,black""]
الـقـلـب يزهـمـنـي وانـــا اقـــول لـبـيـه=مــاجــور يــاعــز الـضــلــوع الـحــنــاوي


مـثـلــك لــيــا غــابــت لـيـالـيـه تـبـكـيــه=روس الــرجـــال مـبـعـديــن الـهــقــاوي


الله يـعـوضـك بـالـصـبـر يــــوم تـرجـيــه=طيرٍ غدى قبل امس وامـرح خـلاوي


الـنــادر الـلــي ضـــاع وابـعــد حـراويــه=وانـــا عـقــب فـرقــاه مـانـيــب قــــاوي


لـصــار لــــك غــالــي تـحـبــه وتـفـديــه=عـــــزاه يـافــرقــا الـعــديــم الــنـــداوي


اشقـر وبـه شـي ٍ علشـانـه اغلـيـه=ولــــفٍ وكــنــه يـفـتـهـم لـلـعــزاوي


الـيـا سـمـع صـوتـي ولــو برقـعـه فـيـه=تـلـقــاه يـلــفــح بـالـجـنــاح الــرهـــاوي


مـاهـو بـجـوع ٍ ذاك غـيــري يخـلـيـه=عنـدي مـثـل خـطـو الصغـيـر الـرضـاوي


اشقـر حمـر ريـشـه كـمـا النـيـر وجنـيـه=واطرافـهـا تـمــر الـخــلاص الـحـسـاوي


وعيـنٍ لكنـه يسـرق الـلـي يراعـيـه=وشدٍ علـى روس الجنـاح متسـاوي


غدا وانـا متحسـف ٍ كيـف انـا اغديـه=ولانـــي مـصــدق ضيـعـتـه والـدعــاوي


لاعـاد يـوم ٍ جيـت فـي وادي التـيـه=يــومٍ غـدالـي مـــن كـبــار الـبــلاوي


جيـنـاه مــن شــرق ٍ وقلـنـا نـعـديـه=عــــن الــوعــر دام الـنـهــار مـتـضــاوي


ومـن القـراده تـل طـيـري وانــا اعطـيـه=علـى خريـش ٍ ناحـرت بيـت شـاوي


مستـوطـنـن بـيــن الــوعــر والمـتـايـيـه=عـسـر ٍ ومنـزالـه عــن الـنـاس لاوي


غـرب مـع بطـن الشعـيـب ومفالـيـه=والـقــاع سـيــلٍ والـمـواتـر تـــراوي


واقـفـى يـلــم ويـرتـفـع فـــي مـوامـيـه=مــخــرم وخــابــر للـمـعـشـا حـــــراوي


عـدوة عديـم ٍ معتـدي مــن معـاديـه=وذبــت وطاويـهـا مــن الـمــوت طـــاوي


واطيارها عسرٍ على اهل المشاريه=مــن شفتـهـا قـمـت اعـتـزي بالنـخـاوي


كـنـك تـسـوق بـهـا الـرصـاص المعبـيـه=كـدريـةٍ تسـقـي فـــروخ الـقـطـاوي


قمت ازهـم السـواق وانخـي واسميـه=مـن كثـر ماانخـى صـار مـثـل العـمـاوي


غـــدا وعـرضـنــا الـشـعـيـب ومــلاويــه=مابيـن جـرفٍ والحـصـى والمـهـاوي


اتلـى العـهـد بــه مرتـفـع قـبـل لاخفـيـه=بـيــن الـطــوال المـشـرفـات الـعــلاوي


وحـولـت واشـــوح الـمـلاويـح وادعـيــه=واصـيـح وادعــي كـنـي الـذيـب عــاوي


وقمت التفت غـرب الشعيـب وشماليـه=وانـا عـلـى الـرجـم الطـويـل الـصـداوي


ابطى وانا ارجي شوفتـه قبـل اعشيـه=والشمـس غابـت واســود اللـيـل داوي


وحولـت مـن رجمـي وانـا بـس احاتـيـه=وقـامــت تصفـقـنـي عـلـيـه الـطــراوي


وامـسـيــت اعــــزي وتــعــزز وعــزيـــه=عـنــدي وصـــارت شـوفـتـه بـالـمـنـاوي


ومـــن الـفـجـر بـاكــر جهـمـنـا لــواديــه=عـلــى مــهــده ضـابـطـيـن الـخـطــاوي


وكــلــن يــلــوح بـالـطـمــان وعــلاويـــه=والـطـيــر ضــــاع ولاتـفـيــد الــرجـــاوي


وشـــره يـومـنـي خـــويٍ مـخـاويــه=واثــره عـلـى مـاقــال فـيــه الـعـطـاوي


غـدا وانـا متحسـفٍ كيـف انـا غـديـه=ولانـــي مـصــدق ضيـعـتـه والـدعــاوي[/poem]

شكرالك صح لسان الشاعر
مطلق عوده

صح الساان الشاااعر مطلق الحريجي شاعر يستاهل النامووس
شـكــ وبارك الله فيك ـــرا لك ... لك مني أجمل تحية .

شاعر كبير ..

غير مستغرب فوزه



شكرا لك اميننا

بارك الله فيك

موفق بإذن الله ... لك مني أجمل تحية .

يستاهل مطلق وانت تستاهل يا أمين الجلس


صح لسانه على كل حال


بيت أجمل من بيت


لله دره


ولاخـلآ ولا عـدم

ابطى وانا ارجي شوفته قبل اعشيه
والشمس غابت واسود الليل داوي
ذهب
يستاهل الفوز