ياجاهل الدنيا

بسم الله الرحمن الرحيم

السلام عليكم ورحمة الله وبركاته

هذي القصيده من احدا قصائدي


البارحه كنيت بالصدر تــعبـير
ونفسي من الوعات زايد وجلها

ياجاهل الدنيا ترى مابها خير
كم واحد(ن) سود اليالي جهلها

تقبل وتقفي مثل عج المعاصير
وياسرع مايمحا بطاها عجلها

ان جيت اعبر مالها كل تفسير
دنيا تخالط مرها مع عسلها

هـــــي لــــذة الدنيا كرامه وتقدير
وربعـ(ن) تشرف بالمواقف عملها

لاشك صار اليوم بالوضع تغيير
عقب السنع كثرة مشاكل اهلها

كثرة مشاكلها اهــمـوم وتــفاكـير
تذبح شقا عجله سريعـ(ن) اجلها

والرزق ياحمدان قسمه وتقدير
ولا حدن عن الزلات نفسه كفلها

كلـ(ن) على المقسوم يلقا معابير
وانا هموم الوقت كبدي غسلها

فــكـرة عـــل بتالي الامر تدبير
يالله عسى رب العباد يعدلها

الواحد اللي مدبر الكون تدبير
اطلب عسى الحساد يقطع سبلها

وربيع نفسي يوم اشوف النواوير
روضـ(ن) سقاه الوسم واقفا محلها

الذ واحلى من بعض ناس واخيــر
نقالت الهرجه قليلـ(ن) خجلها



الشاعر /....سالم الطرقي