أسئلة خطيرة ولكن مالها داعي ؟

اسئئئئئئئله خطيره بس مدري وش تبي
مثلا :-

انت حاط حالتك مشغول على المسن يدخل عليك واحد فاضي ويسالك انت مشغول
لا فاضي <<< سلامات وش تحسس به خخخ

انت والاهل توكم جاين من السوق تجي اختك او اخوك الصغيره او الكبيره
الي في البيت تقول ها جيتوا
( لا باقي عند الا شاره)<<وش رايك يعني
انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (ها بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(ها قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت الحين بالكافيه صدفه شفت واحد من الربع او الاهل .. قالك ها شتسوي هني !!
(ابيع مويه) !! لا تعليق
--------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت وجهك)) سؤال غبي الصراحه !!
----------------
برنامج مسابقات على الهوا :-
المتصل :- الو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)

يالله في أمان الله

لحظة نسيت أسألكم: قاعد تقرون الموضوع الحين؟؟
ج:لا طالعين للبر هههههههههههههههههههههههاااي

ولكم مني خالص الود والإحترام .