خالد حامد غشم خليف المحارب قصيدة اللي يسير يجي يمي

اللي يسير يجي يمي
واللي تعداني بكيفه

يقلط على القدر ويسمي
حنا معازيبه وظيفه

كان الردي شايل همي
نكرم شواربه ياحيفه

الطيب مزروع في دمي
لو الفقر نوخ بهيفه

نارد على الطيب ونسمي
بااللازمه نحتمي سيفه

والا الهلامه مهو يمي
يمدح ويكذب على كيفه

ما قلتها هرجن وذمي
بعض العرب محتوي ظيفه

سناب وعلام ياهمي
حتى الكرم صابت خيفه

من كثر ماشفت ماعمي
ملزوم مندوب تكليفه

لو شمر الكوع ويدمي
يصنع تصاوير توليفه

مخصها في بني عمي
طيب المهايط انا اعيفه

ك /خالد الحامد