النوم ساس اللوم بان الردا به

النوم ساس اللوم

هذه القصيدة لأمربيد العدواني

الله من قلب تزايد عذابه***والعين عيت تقبل النوم تريح

يالله طلبتك يا سريع الاجابه***تفتح لنا باب الفرج بالمفاتيح

يالله برزق وانت فتاح بابه***يا خالق قوت البدو والفلاليح

النوم ساس اللوم بان الردا به***وعين تبي الطولات نومه شلافيح

واللي يدور الفود يتعب اركابه***والرزق بطراف الخطا ياهل الفيح

الذيب ما يرقد ورزقه نهابه***يبحث عن الغرات حول المصاليح

يحمد مصابيح السرى من سرابه***بالليل الاضلم والنعايم مدابيح

تغاروا المرقاب مثل الذيابه***وتقابلو مثل الحرار المفاليح

وانا على اللي يوم ساجن احقابه***تشدا قطاة وردوها الجواويح

قالو هذيك البل تسلل حرابه***وقالو جنبها عاشقين الطماميح

الله يلوم اللي بخاله خنابه***لاجت هروج القوم عنها تصافيح

يوم انطلق مثل الرعد من سحابه***بكفوف كوخان العيون الذوابيح

من كل مسلوب يوكد صوابه***بصنع الفرنج موميات المطاويح

كثرت مناجيهم وصارت طلابه***وجنك كما ذود لحوضه مراويح

ثور عقيد القوم ثم عدا به***لهم على عوض النجايب مشاويح

أخوكم فهد المحاررب

احسنت الاختياار . قصيدة جميلة



شـكــ وبارك الله فيك ـــرا لك ... لك مني أجمل تحية .

حياك الله

مشكور على المتابعة المستمره والنشاط الملحوظ

المستشار لله درك

مشكووور وأحسنت الأختيار .. موفق بإذن الله ... لك مني أجمل تحية .

بارك الله فيك على النقل

أبو همام القصيدة في قمة الجمال

والنوم للكلب والمرآه والهلباج
(النوم العميق )

صــــــــــــــــــح لسان الشاعر

ومشكور على النقل الرائع

وخلاص من اليوم مافي نوم

واذا صار شي انت المسئول

ههههههههههههههههه

صح لسان الشاعر

قصيدة جزلة من العيار الثقيل

وشكرا لذوقك الرائع

يعطيك العافية

واشكرك على حسن الاختيار

ولاهنت