سَجل حضورگ ببيت شعَر يعجبگ

تكملة لما سبق ــــــ
انا دارت بي الدنيا وشفت من الزمن تهويل
شباب بـ دنيتي يصبح من الايام شايبها
زمان عشت به مدري علامه مالقى تسهيل
وحرت الحظ واقداري ولا ادري وين صايبها
(ابووليد القباني)

ألذ من درب المحبه والغرآم

والذ من شي ٍ فـ هالدنيا تبيه

..

قرآية القرآن وتكثير السلآم

على النبي صل الله وسلم عليه ..

تابع لما سبقـــــــــــــ
انا عشتك وعايشتك زماني ماحصل تبديل
وقفت بـ دنيتي وحدي وعانيت بـ متاعبها
ألا يـا ليلةً قمرآ تسمرنا بـ قال وقيل
انا وياك وضحتي بها الدنيا عجايبها
(ابووليد القباني)

لوإن الايام ماخلّت ولا حاجه

طفت شموع الامل شمعه ورا شمعه..!

..

ياقلبي اللي يبيعك وأنت محتاجه

والله مايستاهل التفكير والدمعه..!

تايع لما سبقــــــــــــــــــــــ
عطيتك من معاناتي ومأساتي على التفصيل
بعد ماذقت من الدنيا مرارً من مشاربها
ألا ياليلةً قمرآ طلع نورك وريح الهيل
وبان الصبح في نورهـ وسجلنا كتايبها
(ابووليد القباني)

بين احتضار الصمت و مكابر البوح

راحت تسولف عن عيونك .. عيوني

..

ما كنت مخطي يوم خليتك تروح ؟

لين انتبهت .. إني بدونك .. بدوني !

حرت في هقوتي بين الخطا والصحيح
صرت مخطي وانا امشي في دروب صحاح
(ابووليد القباني)

يمكن أيس ويمكن بعض الايام اطيح
واعترف بان دمعي بعض الايام طاح
(ابووليد القباني)