لا ضا ق صد ر ا لهم سير و جا ني . نخبة من شعر ا ء المحا وره

ي اهل الرباع اللي تشيد على القاع
خلوا طمان القاع شوفوا علوه

بيت الشعر للقلب موطن و مرباع
في شوفته تندى وجيه المروه

انا اشهد ان شوفه دواء كل الاوجاع
اخير من سوق " يجي به مشوه

راعيه غير الطيب م يرجي اطماع
يومن غيره في سواته مفوه

اخير من فله بها كثر الاسناع
وبها من الهرج العديم المموه

لقيت ناس اشباع لكن جياع
لكن في هاذي صعيب ن ننوه

دام المراجل ماتساوى ك الاصباع
ياويش لونه من ال السموه

البارحه يوم الاجاويد هجاع
اهموم قلبي عانقتني بقوه

عجزت لا اقنعهن ولا حولي اقناع
غير الجديد اللي ضوا عاد توه

من لاحسب حسبة حسابه ليا باع
يبيع دمه دام وده بجوه

هذي هي الدنيا وهاذي هي القاع
من طار و قع لو تعالى علوه

الشاعر / مطر الطرقي الجميلي

امس العصر خلت المزون المردمات من الخيال
وسترت عيوني بعد شوف المزون المردمه
مزن مناش خيالهن عن ديرتي صوب الشمال
من شوفها ينزاح ضيق الصدر ويزيح عتمه
من يوم جتني صورته فزيت ياحي القبال
صوره ل ابو سراي راع الطيب مده وكرمه
في حلته من طيبته تلقى مداهيل الرجال
الضيف لامنه لفى يلقى الكرم ويحشمه
وياحي شوف النار وشداد المراكي والدلال
ان شافها الشاعر يحير بوصفها خط قلمه
همه يحوز الطيب يوم الغير همه جمع مال
فوق الطوال النايفه مبخون صيته وعلمه
مالوم دمع العين لو انه على الوجنه سيال
للي طراء له وقت" أول بين سروه وجهمه
عشق البدواه طبع لرجال وشموخ الجبال
تلقى جزايلها من جزال البيوت محكمه
وصفت لي قاعك وضفت اقطع ! شمال
اعقب مماش الجيل عقب سهمته لا وسهمه
العذر كان الرد ما وفى على ردك كمال
الطيب من بيني وبينك زان عده و قسمه

الشاعر / مطرال طرقي الجميلي

وآعيني اللي تخيل البرق وتصدي
الله يصبرك يا عيني ربع ساعه

والله يلو ماء ورايه لازم اهــدي
لكن عيب الرجل لو يترك اسناعه

البارحه يا عشيري شفتك مصدي
والقلب تدري على طاريك مرباعه

لاصرت تدري علامي بايح" سدي
! قبل تغر وتوهم سمعا وطاعه

الفرصه إن جآت مره لازم تعدي
ان ماحصل غايتك فالنفس قناعه

الله يا يوم ..رووح ليته يردي
لكن صعب الرجل يشكي لفزاعه

#مطرالطرقي

مجاراة بسيطه لابيات ..اعجبتني !!


مابين قلبي وعيني صاير اتحدّي
والنفس في شوفتك يازين طماعه

قلبي كما طير شاف الجول ثم هدّي
شاف ابرق الريش جوعه قبلهن لاعه

وجدي عليها وجود اللي غدا جدّي
ابو حفيده وحيده بالهجر صاعه

قفت ثمــان وتبعهن سبــع ماردّي
والعين من فرقت الاثنين دماعه


شد الرحايل جفى بالعود ثم شدّي
عن دار عودٍ بكى والنفس ملتاعه


عليك ياصـاحبن ..صـاير لي النـدّي
اللي مضى من زمان برخص قدباعه


قطّعت حبلي وانا أرجيك يا عــدّي
شلون أبشرب لاصرت رشاي قطّاعه

من سبتك بــاح شعري بيّـح بســدّي
وانا سدودي ..بصدري مالهن..قاعه


استقبل الرد لا والله فــلا ..يعــدّي
قافٍ سمعته وصوتك زاد باشعاعه

الشاعر /عوده عيد

💥انخاك يالطرقي💥

البارحه والقلب وضعه على ماش.
توارده الافكار شرق وشمالي.

ماحدد الوجه ولاحصل انعاش.
نبضه يزود والسبب ما جرالي.

من سبة اللي بالحشا حبهم جاش.
ذاك العشير اللي بحبه صفالي

لامن طرالي سبب بحالي ارعاش
قمت ارتعد مدري وش اللي جرالي

انخاك يالطرقي ولانته ببكاش.
ياشاعر(ن) قافه يعد الجزالي

انظم قوافيك عطنا الشعر كاش.
لاشك من ردك ابرفع أعقالي.

جتك القوافي يالصميدع على آش.
وثاني شطر ها جبت قافه ب آلي

الشاعر / محمد بشيت الجميلي

....................

ردي على قصيده اخوي الشاعر محمد بشيت الجميلي
لعلي في ردي ان اوفي شاعرنا حقه ... والعذر ان حصل مني تقصير في رد ... مهما قالنا لن نوفيك حقك ...


يقول


مع هجعة النايم معا وقت الاغباش
الذيب يغنب فوق نيب الجبالي

يمكن حداه البعد والوقت لاناش
ساق الطواري والهموم الثقالي

عنيت ي محمد و تارد على الطاش
ما عنك صده ي كريم السبالي

سقت النخاوي تبشر بضاف الارماش
انا رهين " لك ورهن " ل غالي

ان كانها بالجاه والمال والباش
اوجيهنا تنساق قبل الريالي

دون النخاوي تعرف الراس شواش
ناقف على حد الخطر لا محالي

والعذر بختام المعاني اليا جاش
اسوق لك فنجال هيل الدلالي

لشاعر/ مطر ال طرقي الجميلي

على لمة الاحباب ومزوح به خلان
صدوف الزمن تقلط على اللي صفا جوه

جنيت الشقاء من وقتي اللي صفى لضان
و ذيب الفلا مفلاه مايقطع الدوه

على كثر مامريت قلت الصديق احيان
مخاييل نوه يعجبك لابرق نوه

لكن الهقاوي خيبت هقوة " بفلان
وفكت وباحت باب بالحيل متشوه

حسبت البشر بحساب نفسي ولكن خان
حسابي لهم حتى حداني كذا اتفوه

صحيح الزمن غلاب لو السيوف سنان
تشوش على صاح الفكر ي الله القوه

قبل نرجع الشرهه وضح كامل العنوان
تطيح الصروح اللي ماقيمت على الخوه

طبوعي معودها عن الاه والحسفان
جزوعه بتوعه ماتضيير على البوه

على قد هقواتي بنفسي عزوم حصان
لا شفت الهقاوي واكثر احيان مهفوه

عطينا و صدينا بنو" كما الهتان
عطانا كما نجم " لمع ونكشف ضوه

ولاء لاسقى الله من كفى الحوض عن عطشان
ولو هو تعلا حدره من على علوه

بدعت البيوت ورميتي تجدع النيشان
حشى ما نذم اللي حفظ طيبة النوه

لشاعر / مطر الطرقي الجميلي

اسرجت خيل " يقطعن الدروبي
صديتهن لا يسهجن كل منقود

عانيت من سوق المشاريه صوبي
عانيت من قول " طلع دون مقصود

ما اني من اللي يزيد غمر الشبوبي
ولا اني من اللي طاع لاشاف مقرود

اشره على الطيب وانا اسد نوبي
مادامني بين الرجاجيل معدود

عارف مقاييسي ولبسي لثوبي
من بين خطلان المشاريه محمود

ما اني من اللي ينفخون الذروبي
ولا اني عن وجيه المسافير مفرود

اقلط على الجزله ولا اقي وجوبي
واقدر الطيب واقدر هل الجود

ويالله ياعالم كنين القلوبي
لاتجعل لنا باب مغلق ومسدود

لشاعر/ مطر الطرقي الجميلي

من لا يعبر شأن جوده و مده
صحيح يلحق شاربه لنقاده

هذاك من بين الرجاجيل عده
الوقت حده لا يحقق مراده

لنه على ميل الزمن دون شده
لا شان و جه الوقت ضيع اعتاده

واللي يجازي لازمك كم صده
اقطع وداده ثم قطع مداده

والنادر اللي يعجبك في مهده
ليا وقع و سط الشبك حيل هاده

احذر تبيح يا عضيدي بسده
عنده ترا تحسب ذراه و سناده

ومن لا يعدك ف اسهجه لا تعده
لو قام يصفيلك و يظهر وداده

والطيب حاول قدر بأنك ترده
مقرون بالاحسان شرط العباده

وباب " يجي لك منه عجل و سده
قدام لا تفقد لذيد الوساده

وكل " على جسمه لبوسه تقده
قل الكلام اخير قالوا مفاده

وسهيل يخلف والعرب لو تعده
لابد ماينقص ويصدق عداده

وش قيمة الرجال لابيح حده
لا يالعقول اللي ما فيها بلاده

ومن لايودك كيف تقبل توده
من طاوله همه ماهو والسعاده

لشاعر / مطر ال طرقي ال جميلي

سلام يالشعار شعار القبيله والقروب
اقدح سطر ورفى شطر وأكتب من جزال الشعر

ف المقاف الغصاب يالاصحاب ما جيت مغصوب
اقلط على عزي على مركاي ولقى لي قدر

واللي يحسب الشعر لجيناه يالاصحاب نوب
وجه القشر منصاه لا ملفاه لوجيه القشر

والشاعر اللي لا حضر يلقى مكانه بالقلوب
يلقى قدر بين النشاما والقدر و سط الصدر

والآدمي لا صار ما يلقى ولآ حوله وجوب
ماهي على طول الذارع الا ترا نقص الشبر

الله خلقنا اعزاز و نعز القبيله والشعوب
اللي جهل في ذي ف المعنى من المعنى هدر

واللي يصر البيت لآ و العلم في كم الجيوب
ابشره يبقى كذا يبقى كذا طول العمر

وانا مع الشعار شاعر فوق ذالك و محسوب
ما جيت يالشعار غير اني اموصف ب البحر

اسوق و حمى كلمتي و الراس يالروس معصوب
ان ما حصل لي قول صح لسان يصرف لي نظر

و اللي سرى مثل الهبوب الصلف يبشر بالهبوب
الطايره من فوق هام السحب لا جنط و كفر

هذي حقايق والحقايق ماهي بهرج الكذوب
الا حقايق ماجهلها اللي يميز ف الشطر

بحت السريره كلها امن الشمال ليا الجنوب
و نوجب الشرهات و الخافي لكم كله ظهر

سلام يالشعار والترحيب لاف بكل صوب
امن المدينه و البدو و اهل المداين و الحظر

لشاعر مطر ال طرقي الجميلي