أصبر وكن الكبد تصلى على نار

قصيدة للشاعر الكبير : فهيد بن باطح بن حمدان بن صايد العنيزاني الجميلي - طول الله عمره - وهو شاعر كبير ومعروف بالشعر ومن أعمدته المعروفة اشتهر من سنين عديدة وقصائده تناولها الناس وغناها المتذوقين وله العديد من القصائد

[poem=font="mateen,6,purple,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أصبر وكن الكبد تصلى على نار=والصبر ما سلّى عطيب الجروحي
أبا أسمح الخاطر بسجة ومسيار=للي ليا شفته تزايد فروحي
مشاهده عندي بختري ونوار=لا صار قفرٍ ما وطوه السروحي
عشبه جديد وشايخٍ عقب الأمطار=متفاصلٍ ريح النفل به يفوحي
يا ما على شانه تعرضت الأخطار=مشفي بقربك يا كثير الملوحي
لا جيت أبمشي عنه حتى القدم حار=روحي تبيه ويمها طار شوحي
الردف شط حويرٍ حدر مبكار=راعيه ما دور وراه الصبوحي
هجل عليه ولاهج الديد مشكار=وفخر من الوفل الردوم الطيوحي
يا طا على سوق تقل وصف جمار=موزٍ نعم نبته على جال موحي
لا صار مقفي به يحيرن الأنظار=ويرهب ليا منه نطحني نطوحي
قبلٍ قريب وبدل الدار في دار=من البعد شوفه ما يطالع شبوحي
وظعاينه حطن مع الريع معبار=ما أرجيه لين البرق داير يلوحي
يا الله يا عالم خفيات الأسرار=إنك لكلمة من ترجاك توحي
ولنك تلم شمولنا عقب ما صار=يا واليٍ مشّى السفينة بنوحي[/poem]

صح لسان الشاعر الكبير

وتسلم يمينك مليون مرة يابو سلطان

يعطيك العافية ابو سلطان

بارك الله فيك اخوي ابو سلطان

صح لسان ابو باطح

ويعطيك العافية على التوثيق يا بو سلطان

اقتباس المشاركة الأصلية كتبت بواسطة زعيم الملتقى صح لسان الشاعر الكبير وتسلم يمينك مليون مرة يابو سلطان

الله يسلمك يا الغالي

اقتباس المشاركة الأصلية كتبت بواسطة أبو اطياف يعطيك العافية ابو سلطان

الله يعافيك يا الغلا

اقتباس المشاركة الأصلية كتبت بواسطة محمد مهدي الجميلي بارك الله فيك اخوي ابو سلطان

الله يبارك فيك يا بن العم