هذه القصيدة الشامخة للشاعر الكبير : معطاب بن مسيعيد بن خلف الحفر الجميلي ، وهي قصيدة قديمة
وبما أن الشاعر معطاب فحتما ستكون من القصيد الراقي
أترككم مع هذه الرائعة
[poem=font="mateen,6,blue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا محمد قل لأهل صاحبي لا يزعلون=لا يحرموني عجاريف مردوع الشفات
يمنعوني من لطيف الحشا ما يستحون=ما دروا إن الضماير عليه محرقات
ما أقدر أسهر يا الأجاويد وأنتم ترقدون=اسمعوا علم يفيد القلوب الواعيات
كان أنا خليت غض النهد تستانسون=تزعلون سنين وسنين لحدود الممات
خلهم باكر يفوت الشتاء ويربعون=ويقبل المقطان ويصير للطلعة حلات
آصله فوق أسردٍ يستحب له الزبون=لا أونس الثالث كفخ كنه أوماي القطات
لو يشوفونه هل الصنف قاموا يضحكون=كل ما داروه شافوا رسومٍ عايزات
شاصي وقير ومكينة مع اللي يلحقون=وأربعة سبرنق وجنوط وأربع تايرات
والسبير معلقٍ فيه والجيك مخزون=والعميل مركبٍ له ثمان مساعدات
وهنقلينه نص شد العلم راع الفنون=والغمارة ما لحقها لحيم وقرقعات
لو تعرضه المطبات ياكلهن بهون=ما تمله لو تحوشك مسافة وطرقات
حلو نفة ريشته بالغطى بين العيون=والبكم يرطن وهو بس حق مغازلات
[/poem]
وسلامتكم