شارع الستين - شكرا

غناء عبر الشارع :

صباح الخير رغم اللي حصل ما بيننا البارح
يجوز البارحه أذنبت وذا ما يعني اكفر بك
اعرف ان البحر ازرق واعرف ان البحر مالح
ولا اعرف البحر غدار قبل اللقاك واغرق بك !

ريشه ! اخر ما تبقى من ذاك العصفور :

احبك لاخر حدود الثماله والوزن مكسور
ابيك تسافر لآخر عيوني والوزن مكسور
ابيك تدندن شلونك حبيبي والوزن مكسور
ابيك تكون متطرف بحبك والوزن مكسور
ابيك تكون ( ما اقدر حبيبي ) والوزن مكسور
اخاف الناس تقراها وتزعل والوزن مكسور .

هل واخواتها :

دكتور ما اقدر انام
والله ما اقدر
دكتور مو هذا حرام
اللي يحب يسهر

محلي :

تدري احس بألم والوضع فيه انه
واقف وثابت أنا بس المكان يدور

نهمة :

الليل طق .طق علي يا سعود شباكي
يبغاني اسهر معه واغازله يا سعود
احضنه واضحك ضجر رغم اغلبي باكي
وإن راح تدري انا ويا الضجر موعود

وقفه :
إن رحت يا بنادم ترى وإن جيت يا بنادم
..... كل الوجيه اللي تجي ترجع ترى للطين

غيمة :

احس بداخلي ازرق واسولف للبخار يطير
احس ان المسى مبلل واحس ان القصيد غيوم
احسك للمسى كلك تفاءل والمكان بخير
واحسك ركثر ما حوي المكان من الأمل مهموم
حبيبي ابتسم رفرف عيوني واحتمال تصير
فراشات ولفت عندك حبيبي من غلاك تحوم


ابو موسى الأشعري :

يا ليل ابو موسى ولا ني مخاويك
......... من شارع الستين لين المحطه
بريال ابيع الحزن والناس تشريك
........ واللي تبيه الناس محد ... يقطه