غرور الدنيا
الشاعر / متعب سعد المسيعيد
طــالبك يا رحمــن يا خــالق الــروح
ارحــم عبــاد= راحــت الروح عــنها
دعــواتنا و بــاب السماوات مــفتوح
يــقــين بــأن الله يــعــطــي ثــمــنها
مكــتوب عــنــد الله تــواريخ باللــوح
مــوعــد عــلينا مــا تــوخــر زمــنها
شفنا الجنــايز صامــتة ودها تــبوح
تبي تــقــول الــصبر للــي دفــنها
ودها تــقول ان الدعـا خير مــصلوح
خــيــر= مــن دمــوع= تبــلل كــفنها
والمومن..اللي بين الاقدار مــشروح
يــقــــين بــالله عــنــد شــدة فــتــنها
وهــذي هي الدنــيا تــمنيك و تــروح
غــرور والجــاهــل يــحــبب مــتــنها
تــزينت و الآدمــي هــام مــجــروح
يبــي دوا الــعــلات يــاخــذه مــنها
مايـدري أن اللي قـبل عـاد= ونــوح
زانــت لهــم ثــم= خــذتــهم محــنها
وفــرعون بعد الهيمنة صار مـفضوح
راحـــت عــليه وهـو يحسبــه ضــمنها
وقـارون وكنوزه مع الخــسف مطروح
خــابت ظــنونه بــعد مــاهــو ومــنها
خذ حــكمة الله ما تبي كثرة شروح
هــي كلــمتين= قــلّ مــن هو فـطنها
دنــياك طــيّبها بــالاعــمال و تــفوح
وخـذ مـن نـصيبك لا يغـرك حــسنها
والــخــاتــمــة لابــدها يــوم ونــروح
وأرواحــــنــا لابــد تــرحــل وطــنها